روولێ هونه‌رمه‌ند و نڤیسه‌ران د ناڤ حكومه‌تێ دا
به‌ده‌ل گابێركى
هه‌روه‌سا ل وه‌لاتێن بیانى هه‌رده‌م ده‌ستهه‌لات مفایه‌كێ مه‌زن ژ هزر و فه‌لسه‌فا نڤیسه‌ر و هونه‌رمه‌ندان وه‌ردگریت بۆ نموونه ل وه‌لاتێ یۆنانێ ل ده‌مێ هونه‌رێ كومیدیایێ ل سه‌ر ده‌پێ شانۆیێ دهاته پیشكێشكرن مه‌ره‌ما سه‌ره‌كی نه به‌س ئه‌و بوو كو گرنژینه‌كێ درست بكه‌ن ل سه‌ر لێڤێن وان كه‌سان یێن ئاماده‌بووین بۆ دیتنا شانۆیێ، به‌لكو شانۆڤانان ب رێكا شانۆیێ ره‌خنه‌كا كومیدى و ئاڤاكه‌ر ده‌ستهه‌لات ل سه‌ر چه‌ندین خه‌لاتیان ئاگه‌دار دكرو ئه‌ڤ چه‌نده‌ژى دبوو ئه‌گه‌ر كو چه‌ندین كێشه و ئاریشێن وه‌لاتیان ب رێكا كومێدیایێ بگه‌هنه حكومه‌تێ و چاره‌سه‌رى بۆ وان ئاریشان بهێته دیتن.
ل هه‌رێما كوردستانێ ژى مه چه‌ندین هونه‌رمه‌ند و ئه‌كته‌رێن كومیدى هه‌نه وه‌كو كوما وژدان و ده‌ڤه‌را ئامێدیێ و چه‌ندین كومێن دیتر ل ده‌ڤه‌رێن جودا جودا یێن كوردستانێ سه‌یره ده‌مێ ئه‌كته‌ره‌كێ وه‌كو خه‌لیل قه‌دشى یێ ناڤدار ب ناڤێ خه‌لو بكه‌ڤیته د حاله‌ته‌كێ نه‌خوش دا و هنده‌ك هه‌بن بێژن بلا هاریكارییا وى نه‌هێته‌كرن و ب ساناهى هه‌موو ماندیبوونا وى بهێته ژبیركرن ل ده‌مه‌كى ئه‌وى هه‌ڤالێن خوه پترییا وه‌لاتیێن هه‌رێما كوردستانێ دلخوه‌شكریه و گرنژین ل سه‌ر لێڤێن مه هه‌موویان په‌یداكرییه ئه‌ڤرۆكه پێدڤى ناكه‌ت ئه‌و بكه‌ته هه‌وار هه‌تا ل هه‌وارا وى بچین، به‌لكو یا گرنگه به‌رى كه‌سه‌ك بكه‌ت هه‌وار، مرۆڤ بزانیت وى چ دڤێت.
سه‌رۆكێ حكومه‌تێب رێكا نڤێسینگه‌ها خو، خوه ل ئه‌كته‌رێ كومێدى خه‌لیل قه‌دشى كره خودان و ئه‌ركێ چاره‌سه‌ركرنا وى ب ستۆیێ خوه‌ڤه گرت ئه‌ڤه‌ژى خاله‌كا گرنگ و كاریگه‌ره بۆ هندێ هونه‌رمه‌ند و نڤیسه‌ر ل كوردستانێ هه‌ست بهندێ بكه‌ن كو ئه‌و نه د بێ خودانن و حكومه‌ت هه‌رده‌م دێ خزمه‌تا وان كه‌ت و هونه‌رمه‌ند و نڤیسه‌ر روولێ خوه د ناڤ حكومه‌تێ دا ببینن.
ل دوماهیكێ ل وه‌لاتێن پێشكه‌فتى هونه‌رمه‌ند و نڤیسكار د هه‌ژار نینن و هه‌رده‌م جهێ رێزێ نه هیڤیدارین ل هه‌رێما كوردستانێ ژى ره‌وش و ژیانا هونه‌رمه‌ند و نڤیسه‌ران ژ لایێ ئابۆریڤه خوه‌ش ببیت دا ئێدى ئه‌و بخوه چاره‌سه‌رییا خوه بكه‌ن.
