نوكه‌ چ وه‌لاتێن زلهێز د به‌رهه‌ڤ نینن ده‌ستێ كه‌سه‌كى بگرن كو یێ لاواز بیت و چ به‌رژه‌وه‌ندى ل گه‌ل نه‌بن، ئانكو چ وه‌لات كه‌سه‌كى ب سه‌ر نائێخن، ئه‌گه‌ر ئه‌و كه‌سه‌ بخوه‌ یێ سه‌ركه‌فتى نه‌بیت یان ئه‌و جهه‌ بخوه‌ یێ تژى خێر و بێر نه‌بیت یا ب زه‌حمه‌ته‌ ئه‌ڤرۆكه‌ زلهێزێن جیهانێ بچنه‌ وه‌لاته‌كى وه‌ربه‌رهێنانێ بكه‌ن دلۆپه‌كا نه‌فتێ یان غازا سرۆشتى لێ نه‌بیت و ژنوى وى وه‌لاتى بكه‌نه‌ ئه‌كته‌ره‌كێ سه‌ره‌كى یان یاریكه‌ره‌كێ سه‌ره‌كى د یاریا شه‌تره‌نجێ دا، ئه‌گه‌ر ئه‌م به‌رێ خوه‌ بده‌ینه‌ هه‌رێما كوردستانێ كو یا تژى خێر و بێره‌ د هه‌موو بیاڤان دا و حكومه‌تا هه‌رێما كوردستانێ ژى ب سه‌رۆكاتیا نێچیرڤان بارزانى شیاینه‌ سیاسه‌ته‌كا سه‌ركه‌فتیانه‌ هه‌مبه‌رى وه‌لاتێن جیران و دیسان زلهێزێن جیهانێ بگریته‌ به‌ر وه‌كو ئه‌مریكا و رۆسیا و ئه‌ورۆپا كو نوكه‌ هه‌موویان چاڤ ل هه‌رێمه‌كا بچووكه‌ كو هه‌رێمه‌كه‌ یا تژى نه‌فت و غازا سرۆشتى و دیسان چه‌ندین كانزایێن دیتر بۆڤێ چه‌ندێ ئه‌گه‌ر ئه‌م به‌رێ خوه‌ بده‌ینێ دبیت گه‌له‌ك پرسیار بكه‌ن ما بۆچیه‌ ب تنێ ئه‌ڤ هه‌موو پێنگاڤه‌ د به‌رژه‌وه‌ندییا وان وه‌لاتان دایه‌، بێ گومان نه‌خێر ئه‌گه‌ر ئه‌م به‌رێ خوه‌ بده‌ینێ ده‌مێ به‌غدا بودجه‌ و مووچێن فه‌رمانبه‌رێن هه‌رێما كوردستانێ برین، هه‌كه‌ هه‌رێمێ ب شێوه‌یه‌كێ راسته‌وخو نه‌فتا خوه‌ نه‌هنارتبا، بێ گومان دا ئاریشێن مه‌زن بۆ هه‌رێمێ درست بن ل وى نه‌ده‌مى دشیا نه‌ شه‌رێ داعش بكه‌ت و نه‌ژى دشیا نیڤ مووچه‌ى بده‌ت وه‌كو دبێژن ئه‌و نانا دناڤ مالا مرۆڤى دا هزار جارا باشتره‌ ژ وى به‌رخێ ل مالا جیرانان.
هه‌روه‌سا ئه‌گه‌ر ئه‌م به‌رێ خوه‌ بده‌ینه‌ هاوكێشێن سیاسى یێن ئه‌ڤرۆكه‌ هه‌موو یێن د به‌رژه‌وه‌ندییا هه‌رێما كوردستانێ دا، وه‌كى دانانا سزایێن ئابۆرى یێن توند بۆ سه‌ر ئه‌مریكا ئه‌نجام ئه‌مریكا عیراق نه‌چاركر كو نه‌فتا كه‌ركووكێ ب رێكا بۆریێن كوردستانێ نه‌فتێ ڤه‌گوهێزن بۆ بازارێن جیهانێ، ئه‌ڤێ پێنگاڤێ دو بۆ سێ پێنگاڤێن دیتر ئابۆرێ هه‌رێما كوردستانێ بهێزتر لێكر و بێ گومان ئه‌گه‌ر داستانا سحێلا و قاره‌مانیا پێشمه‌رگه‌ى نه‌با ئه‌ڤرۆكه‌ عیراق دا ب كه‌یفا خوه‌ نه‌فتا كه‌ركووكێ به‌ره‌ڤ بازارێن جیهانێ فرێكه‌ت.
هه‌روه‌سا ئه‌گه‌ر ئه‌م به‌رێ خوه‌ بده‌ینه‌ سیاسه‌ت و پلانێن حكومه‌تێ د چه‌ند سالێن داهاتى دێ پتر كاریگه‌رى و به‌رهه‌مێ وان دیار بیت بۆ وه‌لاتیان وه‌كو ئه‌و گوهۆرینێن كومپانیا دانا گاز دكه‌ت و زێده‌كرنا غازا سرۆشتى ب رێژه‌یا سیهـ ژ سه‌دێ كو به‌رهه‌مێ ڤێ پێنگاڤێ ره‌وشا كاره‌با گشتى باشتر لێهێت و د چه‌ندین بیاڤێن دیتر هه‌رێم مفایى ژێوه‌رگریت.
ل دوماهیكێ یا گرنگه‌ حكومه‌ت كار بكه‌ت بۆ پتر ئاماده‌كرنا ژینگه‌هه‌كا ئارم بۆ وه‌لاتیان و درستكرنا باوه‌ریێ و هه‌بوونا شه‌فافیه‌تێ د هه‌ر كاره‌كى دا.