درستبوونا قه‌یرانان تشته‌كێ ئاساییه‌ و ل پترییا وه‌لاتان قه‌یران هه‌ر درست دبن و كه‌سێ گومان ل سه‌ر هندێ نینه‌ كو قه‌یران پشكه‌كا مه‌زن یا ژیانا مرۆڤ و مرۆڤایه‌تیێ داگیركرییه‌ و نابیت مرۆڤ خوه‌ بده‌ت ده‌ست قه‌یرانێ، ئه‌گه‌ر چه‌ندا مه‌زن و كاریگه‌ر بیت دڤێت مرۆڤ یێ به‌رده‌وام بیت، به‌لی ئه‌گه‌ر به‌رێ خوه‌ بده‌ینه‌ لوژیكێ تشته‌كێ دیتر دبیژیته‌ مرۆڤى ئه‌وژى دێ بینى ب هزاران كه‌س خوه‌ دده‌نه‌ ده‌ستێ قه‌یرانان و ب ساناهى ژناڤ دچن و دبنه‌ ناڤه‌كێ به‌رزه‌ و مرى د مێژوویێ دا، ئه‌گه‌ر به‌رێ خوه‌ بده‌ینه‌ روودانێن 16ى ئۆكتۆبه‌رێ گه‌له‌ك كه‌س ب ته‌مامى بی هیڤى بوون ژ هه‌رتشته‌كى و ئێدى خوه‌ باوه‌رى ب هندێ ژى نه‌ما بوو كو دێ قه‌واره‌یێ هه‌رێما كوردستانێ مینیت، به‌لێ سه‌رۆكێ حكومه‌تێ نێچیرڤان بارزانى شیایه‌ وان هه‌موو قه‌یرانان ب سیاسه‌تا خوه‌ یا نه‌رم و دبلۆماسى ده‌رباز بكه‌ت، ئه‌وژى پشتى هاڤێتنا چه‌ندین پێنگاڤان وه‌كى زڤراندنا هه‌یبه‌تا هه‌رێما كوردستانێ ب چه‌ندین سه‌ره‌دانێن گرنگ و كاریگه‌ر ل سه‌ر ئاستێ جیهانێ وه‌كو سه‌ره‌دانا وى یا ئێكلاكه‌ر بۆ وه‌لاتیێ فه‌ره‌نسا و ئه‌لمانیا و ئیرانێ و چه‌ندین جهێن دیتر، ئه‌ڤ هه‌موو سه‌ره‌دانه‌ شیان ده‌رگه‌هێن تۆره‌ و گرتى جاره‌كا دیتر هه‌مبه‌رى هه‌رێما كوردستانێ ڤه‌ بكه‌نه‌ڤه‌.
ئه‌وێن ئاخ و وه‌لات فرۆتى هه‌ر زوى وان بخوه‌ گوت ئه‌م خه‌له‌تبووین و نوكه‌ د په‌شیمانین، به‌لێ په‌شیمانى پشتى چ! ئه‌گه‌ر داستانێن پردێ و سحێلا نه‌بان دا كورد توشى شكه‌ستنه‌كێ بن كو چ جارا د میژوویی دا دوباره‌ نه‌دبوون، به‌لێ ب تڤه‌نگا پێشمه‌رگه‌یین قه‌هره‌مان و سیاسه‌تا حكومه‌تا هه‌رێما كوردستانێ شیاین شه‌ره‌ف و كه‌رامه‌تا ملله‌تێ كورد ب پارێزن و نه‌هێلن كورد توشى چ شكه‌ستنێن مه‌زنتر ببن و جاره‌كا دیتر بچنه‌ ژ سفری ده‌ست پێ بكه‌ن.
حكومه‌تا هه‌رێمێ پشتى رێكه‌فتن دگه‌ل به‌غدا كرى بۆ فرێكرنا 350ملیار دیناران بۆ مووچه‌یێن فه‌رمانبه‌ران ب ڤێ چه‌ندێ ژى حكومه‌ت شیا رێژه‌یه‌كا باش ژ مووچه‌یێن فه‌رمانبه‌رێن هه‌رێما كوردستانێ زێده‌ بكه‌ت و ره‌وشا ئابۆرى یا هه‌رێما كوردستانێ تا راده‌یه‌كی كێم ببیت و ژیان وه‌لاتیانژى تاراده‌یه‌كى به‌ره‌ڤ پێشڤه‌ بچیت وه‌كو لیڤینا بازارى و باشبوونا ره‌وشا ئابۆرى.
هه‌روه‌سا هه‌رێم ب ساناهى ده‌رباز نه‌بوو ژ قه‌یرانان، به‌لكو ب بزاڤێن حكومه‌تا هه‌رێما كوردستانێ و خوراگرییا وه‌لاتیان قه‌یرانه‌كا مه‌زن و دژوار چ نه‌مایه‌ دێ گه‌هینه‌ دوماهیكا وێ و خاله‌كێ دانینن و ژیانه‌كا نوو ده‌ست پێكه‌ین كو یا تژى بیت ژ ئاڤه‌دانكرنێ و خزمه‌تكرنا وه‌لاتیان.
ل دوماهیكێ یا گرنگه‌ بزانین كو ئاینده‌كێ گه‌ش یی ئابۆرى چاڤه‌رێى هه‌رێما كوردستانێ دكه‌ت، ئه‌وژى پتشى زێده‌كرنا به‌رهه‌مئینانا نه‌فتێ بۆ چارسه‌د هزار دیناران و فرێكرنا غازا سرۆشتى دێ چه‌ندین گوهۆرینێن مه‌زن یێن ئابۆرى ل هه‌رێما كوردستانێ درستكه‌ن.