پارتى دیموكراتى كوردستان وه‌كو یا دیار و هاتیه‌ دیاركرن ژ لایێ نێچیرڤان بارزانى كو دێ هه‌ر مینیت پارتا ژماره‌ ئێك و پارتى هه‌ر وه‌سا ما نێچیرڤان بارزانی جێگرێ سەرۆکێ پارتییا دیموکراتیا کوردستانێ ب ھەلکەفتا راگەھاندنا ئەنجامێن داویێیێن ھەلبژارتنێن پەرلەمانێ کوردستانێ سوپاسییا خەلکێ کوردستانێ ژبۆ پشکدارییا وان د پرۆسەیا ھەلبژارتنێن سیھی ئیلۆنێ دا کر و دیاركر ھێشتا د قۆناغا دانانا دیموکراسیێ داینە و ئەڤ ھەلبژارتنە پێنگاڤەکا مەزن بەر ب پێش.
هوسا دیاره‌ كو هه‌رێما كوردستانێ پێدڤى ب چه‌ندین قوناغێن دیتره‌ تا بگه‌هیته‌ دیمۆكراسیه‌تێ و ئه‌ڤ هه‌لبژارتنه‌ دگرنگ بوون و ده‌ستكه‌فته‌كێ مه‌زنن بۆ هه‌موو گه‌لێ كورد یا پێدڤییه‌ هه‌موو كورد پشته‌ڤانیا مافێن خوه‌ بكه‌ن و ب ریكێن دیموكراسى و ئاشتیانه‌ دیار بكه‌ن كو كورد ده‌ست به‌ردارى مافێن خوه‌ و ناسناما خوه‌ نابن.
دیسان یا گرنگه‌ وه‌كو نێچیرڤان بارزانى دیاركرى كو هه‌موو پارتێن سیاسى ب گیانەکێ ئارام و ئاڤاکەر بۆ پاراستنا ئێکرێزی و تەبایێ بەردەوام بن، ل دەما گۆتووبێژان ل سەر پێکئینانا حکومەتا بھێت دکەین، دوپات ژی کر کو پرانییا خەلکێ کوردستانێ دەرخست کو پشتەڤانیێ ل حکومەتەکا بھێز و سەقامگیر ب سەرکرداتییا پارتیدکەن، لڤێره‌ یا گرنگه‌ پارتى ژى به‌رده‌وام كار بكه‌ت بۆ هندێ ئه‌و سوزێن وێ داین بۆ ئاڤاكرنا كوردستانه‌كا بهێز ئه‌وژى ب نه‌هێلانا گه‌نده‌لیێ و خوه‌شكرنا ژیانا وه‌لاتیان و ئاڤاكرنا چه‌ندین پرۆژێن ستراتیژى.
دیسان ئەنجامێن ھەلبژارتنان بەلگەیێن رۆھنن کو پرانیا گەلێ کوردستانێ ھەڤھزر و ھەڤالێن ئاڤەدانکرن و پاراستنا کوردستانێ نە و ھەروەسا سوپاسییا ھەمی ئۆل و پێکھاتەیێن ھەرێما کوردستانێ کر کو ل ھەلبژارتنان چانسەکێ دی داییە پارتی داکو کارێن باشتر بکەت و به‌رده‌وام خزمه‌تا گه‌لێ كوردستانێ بكه‌ت و به‌ره‌ڤانیێ ژ كه‌رامه‌تا كورد و كوردستانێ بكه‌ت و وه‌لاتیان ئه‌ركێ پارتى گه‌له‌ك گران كر و دڤێت پارتى هه‌مبه‌رى ده‌نگێن وه‌لاتیان چه‌ندین كاران بكه‌ت كو دلێ ده‌نگده‌رێن خوه‌ خوش بكه‌ت و نابیت پارتى پشت بده‌ت وه‌لاتیان و بێ جوداهى خزمه‌تا هه‌موو ده‌ڤه‌رێن كوردستانێ بكه‌ت و خزمه‌ت گۆزارییان بگه‌هینیت و پاراستنا هه‌رێما كوردستانێ ژ هه‌ر مه‌ترسیه‌كێ ئه‌ركێ پارتیه‌ و وه‌لاتیانژى ئه‌ڤ باوه‌رییه‌ دایه‌ پارتى و نابیت پارتى وێ باوه‌ریێ بشكێشنیت.
ل دوماهیكێ یا گرنگه‌ هه‌موو پێكهاته‌یێن هه‌رێما كوردستانێ پشته‌ڤانیا حكومه‌تا بهێت یا هه‌رێما كوردستانێ بكه‌ت بۆ هندێ ئاشتى و ته‌بایى و پێكڤه‌ژیان پتر موكم ببیت ل كوردستانێ و گه‌له‌گ یا ‌ گرنگه‌ پارتى ل ئاست باوه‌رى و داخوازیێن وه‌لاتیان بیت.