ئه‌گه‌رێ به‌رێ خوه‌ بده‌ینه‌ مێژوویێ چه‌ندین جورێن خیانه‌تێ هه‌نه‌ و هه‌ر جوره‌كى ب قه‌ده‌ر قه‌باره‌یێ خوه‌ ئازارێن خوه‌ هه‌نه‌ چه‌ندا مه‌عقۆله‌ مرۆڤ ب ڤێ كریارا پیس رادبن و خیانه‌تێ ل هه‌ڤ دوو دكه‌ن.
ملله‌تێ كورد ئه‌گه‌ر تو د رۆپه‌لێن مێژوویێ دا بچییه‌ خوار دێ چه‌ندین روودانێن سه‌یر وسه‌مه‌ر بین و هه‌موو تژى خیانه‌تن! و ئه‌ڤ خیانه‌ته‌ ل هه‌موو وه‌لاتان ژى هه‌بوویه‌، به‌لێ ئه‌گه‌ر خیانه‌تا نشتیمانى با هه‌ر زوى ئه‌نجامده‌رێن وێ خیانه‌تێ هێنه‌ سزادان و كوشتن ب كرێترین شێوه‌ ل به‌ر چاڤێن وه‌لاتیان دا ببیته‌ ده‌رس بۆ هه‌موو كه‌سان و خیانه‌تكرن ل ئاخ و وه‌لاتى هێلا سۆره‌! به‌لێ مخابن ل هه‌رێما كوردستانێ خودانێن مه‌زنترین خیانه‌ت ب ئازاده‌ پیاسا دكه‌ن و شانازیێ ب وێ خیانه‌تا خوه‌ یا مه‌زن و شه‌رمزار كه‌ر دبه‌ن.
گه‌له‌كا گرنگه‌ ئێدى كورد وان كه‌سان ب توندترین شێوه‌ سزا بده‌ن ئه‌وێن خیانه‌تێ ل نه‌ته‌وا خوه‌ دكه‌ن و نابیت هه‌ر كه‌سه‌كێ خاین و خوه‌ فرۆشى ب ساناهى بێ سزادان ده‌رباز بیت بۆهندێ روودان خوه‌ دوباره‌ نه‌كه‌نه‌ڤه‌.
16ى ئۆكتۆبه‌رێ مه‌زنترین خیانه‌ته‌ د مێژوویا مرۆڤایه‌تیێ دا، ژ به‌ركو ئه‌ڤ خیانه‌ته‌ ل سه‌ر حسابا خه‌ونا ملله‌ته‌كێ زۆلملێكرى كو ب درێژاهیا مێژوویێ قوربانى دایه‌ بۆ هندێ ببیته‌ خودان ماف و سه‌ربه‌خوه‌یا خوه‌ ب ده‌ست بێخیت و ئازاد بیت وه‌كو هه‌موو ملله‌تێن جیهانێ، به‌لێ چ نه‌ما بوو ئه‌و خه‌ون ببیته‌ راستى خوونا شه‌هیدان د گورێن وان دا شین و به‌خته‌وه‌ر ببیت و رۆندكێن چاڤێن دایكێن شه‌هیدان ببنه‌ په‌یكه‌رێن گرنژینێ و هه‌موو ته‌خێن جڤاكى گوڤه‌ندا سه‌ربه‌خوه‌بوونێ و ده‌وله‌تبوونێ گێرن، به‌لێ ژنێشكه‌كێڤه‌ ئه‌وى تشتى روودا یێ كه‌سێ چاڤه‌رێ نه‌دكر كو كورده‌ك ل چه‌رخێ 21ێ خه‌نجه‌ره‌كا ژه‌هركرى ل ته‌ڤایا ملله‌تێ كورد بده‌ت ل پشتا برایێ خوه‌ بده‌ت ل سه‌نگه‌رێن شه‌رى ل وى ده‌می و نوكه‌ژى هزار نه‌فره‌ت ل خیانه‌تكارێن 16ى ئۆكتۆبه‌رێ بن و هندى دنیا هه‌بیت ئه‌وێ د ناخێ خوه‌ دا سۆژن و شه‌رمزار بن و كورد و كوردستان و قه‌هره‌مانێن وێ دێ هه‌ر سه‌ر بلند و ئازاد بن و دێ خودانێن وژدانه‌كا ئارام بن...
ل دوماهیكێ ئه‌گه‌ر پێشمه‌رگه‌هێ قه‌هره‌مان نه‌با داستا پردێ و سحێلا نه‌دبوو و ئه‌گه‌ر داستان نه‌بان نوكه‌ قه‌واره‌یێ هه‌رێما كوردستانێ نه‌ دما و سه‌رۆكێ حكومه‌تێ نێچیرڤان بارزانى روله‌كێ ئێكجار مه‌زن د زڤراندنا پێگه‌هێ هه‌رێما كوردستانێ دا هه‌بوو وه‌كو لایه‌نێ دبلۆماسى.