ھەلبژارتن پرۆسەیەکا دیموکراتیە و یا گرنگە دەنگدەر ب ئازادانە دەنگێ خوە بدەت بێی ھیچ فشارەک و ئەڤە مافە نەک منەت یا گرنگە ھەموو کارئاسانیەک بۆ وەلاتیان بھێتەکرن بۆ ھندێ ب ئازادانە دەنگێ خوە بدەن و ب ئارام و بێ ترس، بەلێ مخابن ھندەک لایەنێن سیاسی دزانن کو چ دەنگان نائینن رادبن ب بەلافکرنا چەندین پرۆپاگەندەیان دژی پارتی دیموکراتی کوردستان، ژ بەرکو ئەو باش دزانن کو وان چ نەکریە بۆ وەلاتێ خوە و ئەو بەری دۆژمن و داگیرکەرێن ھەرێما کوردستانێ کەفتن بوون و دڤیا ئەو مللەتێ ھندی دەریایەکێ خووون رێشتی بکەڤیتە دەستێ حەسەن پلایسی، بەلێ خوراگرییا پارتی و پێشمەرگێ پارتی سەرێ خاین و خاکفرۆشان شۆرکر، ئەرێ ب چ وژدان ھەوە خیانەت کر بۆ چەند دۆلارەکان! ئەو باش دزانن کو پارتی دێ پتریا دەنگان ئینیت و بیتە ھێزا ئێکێ ب سەرکردایەتیا سەرۆک بارزانی و دبلۆماسیەتا نێچیرڤان بارزانی ھەرێم رۆژ بۆ رۆژێ یا بەرەڤ کەنارەکێ ئارام ڤە دچیت.
ھەروەسا ئەوێن دوھی خیانەتکری و قودسا کوردستانێ فرۆتی دڤێت ئەڤرۆکە ب دەنگێن وەلاتیان بھێنە سزادان، سزادانەک کو چ جارا نەھێت ژ بیرکرن و د میژوویا گەلێ کورد دا بھێتە نڤێسین کو چ جارا چ کەسێن دیتر وێ وێرەکیێ نەدەنە خوە و خەونا ٤٨ ملیۆن کوردان ژ ناڤ نەبن.
ھەروەسا یا گرنگە ھەر کەسەک بزانیت کو پارتی ھەموو دەمان خوە ل مللەتێ خوە کرییە خودان و خودان ئارمانج و بەرنامەیە و نابیتە داردەستا چ دۆژمنان و کار دکەت بۆ ئاڤاکرنا وەلاتێ رۆژێ کو وەلاتەک بیت یێ تژی رووناھی یێ تژی ڤیان بیت و ب تەمامی خەلکێ وێ یێ ئارام بیت و بێی کو چ مەترسیەک ل سەر ژیانا وان ھەبیت و د حکومەتا بھێت ژی دا پارتی دێ ب پلانەکا درێژ خایەن خوە ل گەلێ کوردستانێ کەتە خودان و دێ کەرتێ چاندنێ و پەروەردێ پێشئێخیت مل ب ملێ نەفتێ.
ل دوماھیکێ ژ بیرنەکەن گوتنەک ھەیە کو دبێژیت ئەگەر تە بڤێت کیژ دناڤ وەلاتێ تە دا یێ راست و درستە دبێژن: بەرێ خوە بدە دۆژمنی بەرێ گولەیا خوە دایە کێ ئاھا ئەوێ راستە، ل ١٦ی ئۆکتۆبەرێ دۆژمنان ئێک ئارمانج ھەبوو ئەوژی پارتی بوو، ھەر ژ بەرھندێ یا گرنگە ئەم بزانین کو پارتی ھەردەم دێ پشتەڤانا خەونێن مللەتەکێ بێ دەولەت بیت تا دبیتە دەولەت ئەڤ کاروان و خەبات ناراوەستیت.