بۆچى نێچیرڤان بارزانى گۆت: چ هێز نه‌شێن پارتى ببه‌زێنن!
به‌ده‌ل گابێركى
جێگرێ پارتێ دیموكراتى كوردستان نێچیرڤان بارزانى ل هه‌ولێرا پایته‌خت ب شێوازه‌كێ جودا و سه‌رنج راكێش گوتاره‌ك پێشكێشى وه‌لاتیێن هه‌رێما كوردستانێ كر و چه‌ندین رسته‌یێن كاریگه‌رى پێشكێشكرن، ژ وانژى ته‌كه‌ز ل هندێ كر كو یا گرنگه وه‌لاتیێن هه‌رێما كوردستانێ ب شێوه‌یه‌كێ زێده به‌ره‌ڤ سندوقێن ده‌نگدانێ بچن و ده‌نگێ خوه بده‌نه پارتى كو لیستا به‌رگریكرنا كه‌رامه‌تا وه‌لاتیانه، ژ هه‌ر داگیركارییه‌كێ كو یا گرنگه ژمارا هه‌ر زۆر یا كورسیكا پارتى بۆ خوه مسۆگه‌ر بكه‌ت، ئه‌وژى پشتى گوتنێن بارزانى هات: ل ده‌مێ دیاركرى كو رابۆرى یا سه‌لماندى كو شه‌راتا لاواز و له‌رزۆك و بێ به‌رنامه زێده‌تر ئاسته‌نگان درست دكه‌ت هه‌مبه‌رى كارێن حكومه‌تێ و خزمه‌تكرنا وه‌لاتیان، ئه‌ڤه وێ چه‌ندێ دگه‌هینیت كو پارتى دڤێت پتر ژ پێنجى كورسیكان ب ده‌ستخوه‌ڤه بینیت و ب شێت ب بێ منه‌تى حكومه‌ته‌كا زۆرینه پێك بینیت.
پارتى وه‌كو پارتا ئێكه‌م هه‌رده‌م باجه‌كا مه‌زن و گران دایه د هه‌موو هاوكێشێن سیاسى دا و ئه‌و روودانێن ل ده‌ڤه‌رێ درست دبن، ژ به‌ركو پارتى و ستراتیژیه‌تا پارتى خزمه‌تكرنا گه‌لێ كوردستانێ و ده‌ست به‌رنه‌دانه ژ مافێن وه‌لاتیان و بۆ ڤێ چه‌ندێژى پارتى هه‌موو قوربانیه‌ك دایه و داستانا پردێ و سحێلا شاهدن ل سه‌ر قوربانیدانا پارتى بۆ پاراستنا هه‌رێما كوردستانێ و ئه‌ڤ چه‌نده بۆ وه‌لاتیانژى باش دیار بوو كاكێ هه‌رێم فرۆت بوو كا كێ قودسا كوردستانێ فرۆت و كێ به‌رگرى ژێكر.
نێچیرڤان بارزانى دوپات كر كو چ جارا پارتى بێهێز و لاواز نابیت، ژ به‌ركو پارتى هێزا خوه ژ وه‌لاتیێن ساده‌یێن هه‌رێما كوردستانێ وه‌ردگریت و پارتى ئانكو پێشمه‌رگه پارتى ئانكو ب هزاران گه‌نج و خاتوون و پارتى ئانكو هه‌موو گه‌لێ كوردستانێ وه‌كى یا دیار كو بارزانى دڤێت بێژیته پارتێن دیتر یێن هه‌رێما كوردستانێ خه‌ونێن خوه‌ش نه‌بینن، ژ به‌ركو دێ سپێدێ رابنه‌ڤه دێ ده‌ركه‌ڤیت خه‌ون كه‌واته هه‌رگاڤا گه‌لێ كوردستانێ نه‌ما و ژناڤ چوو ل وى ده‌مى ژى پارتى نامینیت و دێ ژناڤ چیت هه‌ر ژ به‌رهندێ یا گرنگه هه‌ر كه‌سه‌ك باش بزانیت كو پارتى خه‌باتێ بۆ مافێن گه‌لێ كوردستانێ دكه‌ت نه‌ك بۆ چینه‌كا دیاركرى یان بۆ چه‌ند فلۆسه‌كان.
بارزانى دیاركر ژى هنده‌ك كه‌سان د هه‌لبژارتنێن عیراقێ دا فاتیحه ل سه‌ر پارتى د خواند و وان هزر دكر كو قه‌واره‌یێ هه‌رێما كوردستانێ نامینیت یان دێ نه‌خشه‌یێ سیاسى ل هه‌رێما كوردستانێ هێته گوهارتن، به‌لێ ل ده‌مێ هه‌لبژارتنان هه‌موو دنیا توشى مه‌نده‌هوشیێ بوون، ژ به‌ركو پارتى بۆ پارتا ئێكێ، نه‌به‌س ل سه‌ر ئاستێ هه‌رێما كوردستانێ، به‌لكو ل سه‌ر ئاستێ هه‌موو عیراقێ ئه‌ڤه‌ژى وێ چه‌ندێ دگه‌هینیت كو وه‌لاتیێن هه‌رێما كوردستانێ خاكفرۆش سزادان و به‌رگریكار خه‌لاتكرن.
هه‌ر سیاسه‌ت و دبلۆماسیه‌تا نێچیرڤان بارزانى بوو كوردستان ژناڤچوونێ بهێز و بهێزتر زڤراندییه مه‌یدانا سیاسى یا ناڤخوه و جیهانى و هه‌ر پارتى بوو و مسربوونا وێ بوو كو نه‌یار و خوه‌فرۆشێن كوردستانێ بكه‌ڤنه ئه‌ردى و چووكان بدانن به‌رامبه‌رى ده‌نگێ ئازایێ گه‌لێ شه‌ره‌فمه‌ندێ كوردستانێ.
ل دوماهیكێ یا گرنگه بزانین كو پارتى هه‌رده‌م ب هه‌بوونا سه‌ركرده‌یه‌كێ گه‌نج و خودان شیان یێ وه‌كو نێچیرڤان بارزانى كو هه‌رده‌م به‌رى وى ل داهاتیه و تاكه سه‌ركرده‌یه كو پشتا خوه دایه رابۆرى و ب شه‌ڤ و رۆژ كار دكه‌ت بۆ پاشه‌رۆژا گه‌لێ كوردستانێ ل داهاتى ژى دێ ڤێ چه‌ندێ ب كریار بینن نه‌ك به‌س گوتنو چ هێز نه‌شێن پارتى ب به‌زێنن، ژبه‌ركو پارتى هێزا خوه ژ گه‌لێ كوردستانێ وه‌ردگریت.
