پێغەمبەرێ ئیسلامی محمد ( سلاڤ لسەر بن ) د فەرمۆدەکا پیرۆز دا ئەمر کریە .( اژا لم تستح فاێنع ما شئت ) . ئانکۆ ئەگەر شەرم نەما ھەر تشتەکێ بڤێت دێ کەت . دڤێ فەرمۆدا پیرۆز دا دیار دبیت کۆ شەم سەرپشکا ڕەوشتی یە بۆ مرۆڤی . ئەڤە گرەفەکە بۆ مرۆڤێ بێ شەرم . شەرم رێگریکرنە ل کارێن خراب ، ئەگەر مرۆڤی شەرم نەما چاڤەرێ کارێن باش لێ نەکە ، شەرم بنەمایێ رەوشت بلندیێ یە . شەرم مرۆڤی ل تاوانێن دونیایێ ئاخیرەتێ دوور دکەت . مرۆڤێ شەرم ھەبیت ژلایێ خودێ مرۆڤا یێ خوشتەڤی یە .
شەرمێ چەندین خەسلەتێن دیتر یێن باش ب مرۆڤی دبەخشیت . بەرامبەر ڤێ چەدێ مرۆڤێ بێ شەرم ھەمی رەفتارێن بەد ڕەوشت و تاوان لێ چاڤەرێکرینە . لەوما گرنگە مرۆڤی شەرم بخۆ ھەبیت داکۆ ژلایێ خودێ و مرۆڤان یێ سەربلند و خۆشتەڤی بیت .
ئەز نە شرۆڤەکارێن فەرمۆدێن پێغەمبەری و بنەمایێن ئایینی مە ، لێ ئەڤە تێگەھشتنا منە لڤێ فەرمۆدا پیرۆز . چونکی بێ شەرمیا گرۆپێ خیانەتکارێن ( ١٦ ) ئکتۆبەرێ ئەوێن ھەمی بنەمایێن شەرمێ و بێ ڕەوشتیێ بەزاندی و د چەند دەم ھژمێرەکاندا خەلک و وەلاتێ خۆ فرۆتی و پێشیا دوژمن و داگیرکەران کەفتی .
ژبۆ بەرژەوەندێن خۆ یێن تایبەت , داکۆ مللەتێ کورد ب مافێن خۆ یێن ڕەوا نەگەھیت . پشتی ب ھەول و حیکەمەتا سەرۆک بارزانی و پارتی دیموکراتی کوردستان دووزا سیاسی یا گەلێ کورد گەھاندی یە قووناغا داویێ و راپرسیا سەرخۆبوونا کوردستانێ ب سەرکفتیانە ھاتیە ئەنجامدان ، ئەڤ گرۆپێ خیانەتکا دووبارە و مینا زۆر جارێن دیتر شەرم پلچقاندن و خیانەتا خۆ چەندین بارە کرەڤە .
بۆ من تشتەکێ سرۆشتی و نۆرمال بۆ دەمێ ڤی گرۆپێ دناڤ ئێکەتیێ دا ئەڤ خیانەتەکر , چونکی وان شەم نیە کۆ خۆ کارێن خراب بدەنەپاش و کارەکێ باش لێ بھێتە خولقاندن . لەوما نابیت بڤێ خیانەتا وان حیبەتی بمینین و دووماھی خیانەتا وان ژی نابیت .
چونکی ل شیارەزایی یا پارتی و حکومەتا ھەرێما کوردستانێ ھیڤیا وان ل ڤێ خیانەتێ بجە نەھات و پێشیا وێ ھاتە گرتن ، ژلایێ لەشکری ب تۆمارکرنا داستانێن پردێ و سحێلا و دەڤەرێن دیتر ، ژلایێ سیاسی و ئیداری ژی دیسان پارتی دیموکراتی کوردستان و سەرۆکێ حکومەتا ھەرێما کوردستانێ شیا پیلانا وان ھەلبوەشینیت و حکومەتا ھەرێما کوردستانێ بھێزتر کرەڤە و خەونا وان ژناڤبر . رەنگە ھەول دەن بەردەوامیێ دەنە خیانەتێ داکۆ ھیڤیا وان بجە بھێت . بۆ لاوازکرنا پێگەھێ ھەرێما کوردستانێ ژپێخەمەت مانەڤا وان ل دەسھەتا ئێکەتی نشتیمانی دا .
پشتی ڤێ ھەمی خیانەتا وان پێتڤی یە خەلکێ کوردستانێ ، ب ھەستەکا دووربینا کوردایەتیێ و نشتیمانیبوونێ سەرەدەریێ دگەل وان رەوشێ بکەت و بەرژەوەندێن نەتەوی نەکەنە قوربانی بەرژەوەندێن بنەمالا وان .
ئەز باوەرم زۆربەریا خەلکێ کوردستانێ راستیا وان زانی یە و ھەلسەنگاندنا رەوشێ کریە . لەوما دڤان ھەلبژارتنێن جڤاتا نوونەرێن عیراقێ دا پێگەھێ وان بەرەڤ ناڤچوونێ چوو , لەوما پەنا برە بەر خیانەتا دروست کرنا ئاستەنگا و فەند و فێلا و سەختەکاریان دڤان ھەلبژارتنان دا . تاکە چەکێ ددەستێ وان دا مای ھێزا چەکداری و دارایی یە . ژلایێ جەماوەی مفلس بوونە .
مادەم ئەڤە کەسانێن بێ شەرمن ، فەرە خەلکێ کوردستانێ و ھێزێن نشتیمانی ل ھەرێما کوردستانێ ب رەنگەکێ دیموکراسی و ئاشتیانە ، رێگریێ لڤان خیانەتکارا بگرن داکۆ جارەکا دی نەشێن پەنایێ ببەنە بەر خیانەتەکا مەزنتر و ئەزمۆنا سیاسی یا کوردستانێ ژپێخەمەت دەسکەفتێن ماددی و تایەت نەکەنە قوربانی . چونکی ئەڤان شەرم نەما یە لەوما د بەرھەڤن ڤێ چەندێ بکەت .