حەسەن عەلەوی بیرمەند و ساسەتڤانێ ناڤدارێ عیراقێ دیار دکەت کو ھەردەمێ ئاگر ھەل دبیت نێچیرڤان بارزانی سەرۆکێ حکومەتا ھەرێما کوردستانێ وی ئاگری د ڤەمرینیت و ئەو دبێژیت راپرسیا ھەرێما کوردستانێ کارەکێ خەلەت نەبوو، بەلکو ئەو راپرسی مافێ ھەموو گەلێن جیھانێ یە و بریارێ ل سەر چارەنڤیسێ خوە بدەن.
دیسان عەلەوی د بەشەکێن دیتر یێن ئاخفتنێن خوە دا باسێ نێچیرڤان بارزانی دکەت و دبێژیت: نێچیرڤان بارزانی خودان کەسایەتیەکا پراگماتییکییە و ئەو سیفەتێن ل دەڤ وی ھەین ل دەڤ کەسێن دیتر نینن و کەسەکێ واقعییە و ئەم دبێژینەڤێ ئاگرڤەمراندن.
ئەڤ چەندە وێ دگەھینیت کو بارزانی د خواندنا خوەدا بۆ رودانێن رۆژھەلاتا ناڤەراست درست دبن یێ واقع بینبوویە و شیایە ب سەرکەفتیانە ھەموو مەترسیان ل سەر ھەرێما کوردستانێ دوور بکەت و ھەتا نوکە ھەرێما کوردستانێ خوە ل سەر پێت خوە راگریت.
وەکی یا دیار سیاسەتکرن خواندنا چەندین بابەت و روودانێن ئالۆزە یا فەر و گرنگە ھەر سیاسیەک باش و وان روودانێن ئالۆز تێبگەھیت نێچیرڤان بارزانی خواندنا وی یا درست بوو پشتی کرنا ریفراندوما سەربەخوەیا ھەرێما کوردستانێ و درستبوونا ١٦ی ئۆکتۆبەرێ و پشتی بەرگرییەکا مەزن ژ لایێ پێشمەرگەھێ قەھرەمان ل پردێ و سحێلا بارزانی سیاسەتا خوە یا نەرم و ب دبلۆماسیەتا خوە شیا چەندین کارێن گرنگ و ستراتیژی بکەت وەکو سرکرنا ئەنجامێن ریفراندومێ و دەستپێکرنا دانوستاندنا دگەل بەغدا ب رێکا دەستۆرێ عیراقێ، ئەڤ پێنگاڤێن بارزانی وەکو گوسکەکێ ئاڤێ بوون ب ئاگرەکێ مەزن دا کرین و دوماھیکەک بۆ شەرەکێ مەزن و مالوێرانکەر ئینا کو قۆربانیێ ڤی شەری دا ھەر چینا ھەژاران بیت و خەونا گرۆپێ ١٦ی ئوکتۆبەرێ ژی ب دوماھیک ئینا و بن ئاخ کر، کو ھەردەم وان خەون ب ژناڤبرنا قەوارەیێ ھەرێما کوردستانێ ڤە دیتن و پشتی وان چەندین سەرەدانێن کەسۆکی برینە بەغدا و ھەموو ئەو سەرەدان ب گرتنا سێلفیەکی ب دوماھیک ھاتن و دبێ ئەنجام بوون، د ھەمان دەم دا نێچیرڤان بارزانی سەرەدانا فەرەنسا کر و ئەڤ سەرەدانا ب ئێک ژ گرنگترین سەرەدانێن مێژووی و پری قازانج بۆ مللەتێ کورد دھێتە ھژمارتن و پشتی ڤان بزاڤان و چەندین بزاڤێن دیتر بگرە سەرەدانا ئەلمانیا و تەھران و کوربەندێ داڤۆس و رێکەفتنا دگەل عەبادی و دانا مووچەیێن فەرمانبەران ب رێژەیەکا زێدەتر، لەورا مافێ بارزانی یە سیاسەتڤانەکێ ناڤدارێ عیراقێ پەسنا رۆلێ وی یێ مەزن بکەت د دەربازکرنا ھەرێمەکا ھێشتا نەبوویە دەولەت د قوناغەکا سەخت و دژوار دا بگەھینتە کەنارەکێ ئارام...
ل دوماھیکێ یا گرنگە ئەم بزانێن سیاسیێ زیرەک ئەو یێ ب سەرکەفتیانە رەفتارێ دگەل واقعی و رودانان بکەت و ب بۆچوونا من سەرۆکێ حکومەتا ھەرێما کوردستانێ شیا ب سەرکەفتیانە یاریا شەترەنجێ دگەل ڤان ھەموو روودانان بکەت کو یێن دھێنەکرن ل سەر ئاستێ جیھانێ و ھەرێمی.