کێ گۆتە داگیرکەران ستۆپ!
به‌ده‌ل گابێركى
نوکە ژی ھندەک پارتێن سیاسی یێن کارێ خوە دکەن بچنە بەغدا و کار ل سەر ھندێ بکەن جارەکا دیتر مووچەیێن وەلاتیێن ھەرێما کوردستانێ بھێتە برین و ژین و ژیارا وەلاتیان تێک بدەن، ژ بەرکو بۆ وان نەیا گرنگە کا چ ب سەرێ وەلاتیان بھێت، بەس یا گرنگ بۆ وان ئەوە کو پارتی بێھێز بکەن و ددەستھەلاتێ دا نەھێلن و وەکو یا دیار کو پارتی ئانکو خەلک و خەلک ئانکو پارتی ھێشتا ئەڤ پارتێن ساڤا دڤێ ھاوکێشێ نەگەھشتینە، ژ بەرھندێ ھەموو بزاڤێن وان بۆ شکاندن و کێمکرنا پارتی د بێ ئەنجا من و سەرناگرن، بەلکو بەرۆڤاژی ھەموو دەمان پارتی بھێزتر لێ دھێت و ئەو پتر بێھێز دبن و توشی شکەستنێن بێ وێنە دبن.
جێگرێ پارتی دیموکراتی کوردستان نێچیرڤان بارزانی ھەموو دەمان تەکەزێ ل ئێک دەنگییا پارتێن سیاسی یێن ھەرێما کوردستانێ دکەت، ژبەر ئێک ئەگەر دا کورد بھێز بچنە بەغدا و بشێن مافێن خوە ددەستۆرێ عیراقێ دا وەربگرن، بەلێ ئەڤ لایەنێن سیاسی، ژبەرکو بریارا وان ددەستێ وان دانینە و کرێگرتیێن بێگانەیانن بەردەوام خوە دوور دکەن ژ ئێکرێزییا ناڤ مالا کوردی و ئەڤ چەندەژی خیانەتەکا رووھن و ئاشکرایە، بەس ب شێوە و فرۆمەکێ دیتر.
ل دوماھیکێ من دڤێت ئاماژێ بھندێ ھەرکەسێ دگەل ماف و ئازادی و کەرامەتا ھەرێما کوردستانێ بکەت ئەو پارتێن سیاسی دێ وی ژناڤ رێزێن خوە دەرێخن وەکو دوور ئێخستنا مەسعود حەیدەر ئەندام پەرلەمانێ عیراقێ کو بەرگری ژ پێشمەرگەی و ھەرێما کوردستانێ کربوو ھاتە لادان، ژ بەرھندێ یا گرنگە ھەر پارتیەک شانازیێ ب پارتیبوونا خوە ببەت و بزانیت پارتی ئانکو مانا مللەتەکی بناڤێ مللەتێ کورد.
