ھەرچەندە شۆرەشا گۆلانا پێشکەفتنخواز درێژە پێدەرا شۆرەشا مەزنا ئیلۆنێ بوو ، پشتی رێکەفتنا خیانەتکاریا نیڤ دەولەتی یا ( الجزائر ) دژی شۆرەشێ و بزاڤا رزگاریخوازیا کوردستانی ، گەلێ کورد تووشی بێ ئۆمێدیێ بوو و رژێما عیراقێ ژی دەست ب ڤەگۆھاستنا بەرپرس و کادرێن شۆرەشێ بۆ باشوورێ عیراقێ و پاشان کوشتن و بێ سەرۆشوونکرنا وان ، دیسان ب رەنگەکێ بەرفرەە دەست ب ھەوێن عەرەبکرنا گۆند و باژێن کوردستانێ کر . ھەر زوو سەرکردایەتیا پارتی ب سەرۆکایەتیا بابێ رووحی و نەتەوی بارزانی نەمر و خودێ ژێ رازی ئدریسێ ھەردەم ساخ و جەنابێ سەرۆک مەسعود بارزانی ، بارزانی نەمر سەروکێ سەرکردایەتیا کاتی وخودێ ژێ رازی شەھید ( سامی عبد الرحمن
ئەندا مێ سەرکردایەتی . چەندین بریار و بەیاننامە راگەھاندن و باشوورێ کوردستانێ بسەر دوو میحوەرێن لەشکری و رێکخستنێ دابەشکرن . ١ – ھەرێما ئێک ب سەرپەرشتا رەحمەتی جەوھەر نامق یێ بەرنیاس ب ( سلیم سۆرانی ) . ٢ _ ھەرێما دوو ب سەرپەرشتیا رێزدار د کمال کەرکوکی .چەندین مەفرەزێن بچووک لناڤ کوردستانێ پێک ئینان و سەر ژنوو دەس ب رێکخستنێ کرەڤە . شەھید مەحموود ئێزدی ژی ئێک بوو ژ وان قەھرەمانێن گیانێ خۆ کریە قوربانی کوردستانی ل ٣/٣/١٩٧٦ ێ ب دیدارا رەحمەتی ( جوھر نامق ) دکەڤیت و دکۆمبوونەکێ دا ب بەرھەڤیا رێزداران ( کریم شنگالی و زەعیم عەلی ) ، چەندین بریار و راسپاردێن شورەشێ وەردگریت و وەک لۆژیش وەکی ئیرۆ بەری ٤٢ سالان ل ٢٦ ێ گۆلانا ١٩٧٦ ل چەندین جھان ئاگرێ شۆرەشێ ھەلبوو و شەھید مەحمون ئێزدی دگەل ھەڤالێن خۆ چریسکا ئێکێ یا شۆرەشا گۆلانێ ھەلکر و ب چەپەر و بنگەھێن دوژمنی ل بێلکێفێ سەر ب ناحیا ئەتریش تەقاند و رۆژ ب رۆژ بەرفرەھتر بوو و دەڤەر دووف رەڤەرێ ھاتنە رزگارکرن و جەماوەری و خەلکی چەکێ شەرەفێ ھەلگرتەڤە و کۆم ب کۆم پەیوەندی ب شۆرەشێ کر . پشتی مالئاڤاھیا بابێ رووحی بارزانیێ نەمر ل کۆنگرێ نەھێ ل ٤/١٠/١٩٧٩ جەنابێ سەرۆک مەسعوود بارزانی وەکی سەرۆکێ پارتیا مە پارتی دیموکراتی کوردستان ھاتە ھەلبژاتن ، سەرۆک مەسعوود بارزانی راستەوخۆ سەرپەرشتیا شۆرەشێ دکر ژلایێ لەشکری و رێکخستنێ ڤە ، چەندین داستانێن مەزن ھاتنە ھاتنە تۆمارکرن ، ژ وان داستانا ( مانگێشکێ – کانی ماسێ و دێرەلووک و .... ھتد ) . لەشکرێ دوژمنی ب چەکێ خۆ یێ تەقلیدی خۆ لبەر ئاکرێ شۆرەشێ نەدگر و رۆژ بۆ رووژێ تووشێ شەکستنەکا مەزنتر دبوو ، لەوما نەچار بوو پەنایێ ببەەتە بەر بکارئینانا چەکێ کیماوی و بالستی یێ قەدەغەکری دژی خەلکێ کوردستانێ ل ھەلەبچە ، لقا ئێک ل زێوەشکان ل ٢٢/٢/١٩٨٨، و پاشان دەست پێکرنا ئەنفالان ب ھەشت قووناغان ل ١٤/٤/١٩٨٨ ل گەرمیان . ل ٨/٨/١٩٨٨ شەرێ ھەشت سالیێ دناڤبەرا عیراقێ و ئیرانێ ب داوی ھاتی رژێما گۆر ب گۆرا عیراقێ ب ھەمی ھێز و سەرنگڤە ، ھەردوو فەیلەقێن ئێک و پێنج و ٢٥٠ فەوجێن جاشا و نێزیکی ٢٠ سریێن ئەبو فیراس حەمدانی ب ھەمی چەک و جەبلخانێن گرانڤە ب پالپشتیا فرۆکێن پێشکەفتیێن جەنگی یێن وی دەمی (سیخۆی ) یێن رووسی بەرێ خۆ دا دەڤەرێن رزگارکری و چەکێ کیمیاوی و بومبێن ( عنقوودی ) بکار ئینان . ل ٢٥/٨/١٩٨٨ قووناغا ھەشتێ یا ئەنفالا بەھدینان دەسپێکر ، سەرەدەری و رەفتارێن دڕندەیێن دووژمنی ، مینا سەرەدەری و دڕندەیا داعشێن تیرۆرست بوو دگەل کوردێن ئێزدی . ژبەر دژواریا رەوشێ و زێدەتر نەبوونا زیانان جەنابێ سەرۆک مەسعوود بارزانی بریارا ڤەکێشانا ھێزێن پێشمەرگەی بۆ سنوورێن ئیرانێ و تورکیا دا ، ژمارەکا خێزانان دەربازی سنوورێن ئیران و تورکیا بوون ، پشکەکا زۆر ژی ل چیایێن کوردستانێ دا مان و ئەز ئێک بووم ژوان . رژێمێ دڤیا ھەمیا ژناڤ ببەت ، لێ پشتی زۆر کەس ل ئەنفالان قورتال بووی دوان کاودانێن دژوار دا ب سیبەر و سەرپەرشتیا جەنابێ سەرۆک بارزانی داستانەکا ھەرە مەزن د مەزنترین شەردا بناڤێ ( خواکۆرک ) ھاتە تۆمارکرن و جیھان بڤی کارێ درندانەیێ ھایدار بوو کۆ خەلکەکێ زۆر ژ ژن و زاروویا و دانعەمرا کەفتینە ددەستێ رژێمێ دا و ( ١٨٢ ) ھزار کورد کەس بێ سەروشوون کرینە . ئەو کەسێن مای کو رژێم نەشیا بکوژیت یان بێ سەروشوون بکەت ، ئەم ھەمی ڤەگۆھاستینە ئۆردووگایێن زوورەملی ل جەژنیکان و گردەچال و بەرحێشتر ، ھەمی رۆژا لێپرسین دگەل مە دکر و چەندین کەس ل بەحرکێ ھاتنە بێ سەرو شوونکرن . دڤێرەدا ئەز سوپاسیێن خۆ ئاراستەی خەلکێ ھەولێرا سەربلند دکەم کۆ ب ھەمی شیانێن خۆ ھاریکاریا مەکر و ھەستێ خۆ یێن کوردایەتی دیار کر . ل تورکیا ژی خەلک ژەھراوی کر و چەندین کەس ھاتنە گرتن و ووندا کرن . دەولەت سەرێ خوینا شەھیدان حکومەت و پەرلەمانێن کوردستانێ ھاتنە دامەزراندن ، ئەز ئازادی و دەسکەفتێن مە یێن ئەڤرۆ بەرھەمی خوینا شەھیدێن ئەنفالێ و شەرێ داعش و شەرێ حەشدا وەحشی یە کو ل ١٦/١٠/٢٠١٨ پشتی ئەنجامدانا راپرسیا سەرخۆبوونا کوردستانێ ھێرش ئینایا سەر ھەرێما کوردستانێ ، نەخاسمە کەرکووکا دلێ کوردستانێ ، خوشبەختانە پێشمەرگەھێن پارتی ل پردێ و سحێلا و تلسقۆف و مەخموو ھاتە شکاندن و ئەبرامزێن ئەمریکی ھاتنە ژناڤبرن . بڤێ ھەلکەفتێ سەرێ رێز و تەقدیرێ بۆ شەھیدێن کورد و کوردستانێ و سەروەرێ ھەموویان بارزانی نەمر و کاک ئدریسێ ھەردەم ساخ دچەمیین .
نایف رەشۆ عیدۆ
پێشمەرگە و نووژدارێ شورەشا گولانێ