د بانگەشا دوماھیێ یا پارتی دیمۆکراتی کوردستان ل باژێڕێ ھەولێرێ نێچیرڤان بارزانی جێگرێ سەرۆکێ پارتیا دیموکراتی کوردستانی دیارکر چنەمایە دێ بەرەڤ سندوقێن دەنگدانێ چین و یا گرنگە بۆڤێ دەنگدانێ و ھەلبژارتنان کو گرنگییەک تایبەت ھەیە کو چێدبیت ھەڤپەیمانیێن نوو بێنە پێک ئینان و کاریگەری ل سەر ژیانا خەلکێ ھەبیت.
ھەروەسا بارزانی گوتژی نابیت ئێدی جێبەجێکرنا دەستوورێ ئیراقێ بھێتە پاشخستن و ئێکەم کێشەیا مە جێبەجێکرنا مادەیا ١٤٠ یێ دەستوورییە کو پتری ١٢ ساڵانە ئەم داخوازا مافەکێ خوە یێ دەستووری دکەین، ئەم داخوازا چارەسەرییا دەستووری دکەین.
ھەروەسان ل کوردستانێ گۆتارا مە نەرمە و پارتی بەرپەرێن کەڤن ناڤەکەت، لەورە ژ ئالیێن کوردستانێ دخوازم دەستان ژ دژایەتییا پارتیا دیموکراتا کوردستانێ بەردەن ژئالییەک دی ژ گوتارا خوە دیارکر د شەرێ دژی داعشێ دا زیانەکا مەزن گەھشتیە دەڤەرێن کوردستانی ب تایبەت دەڤەرێن کوردێن ئیزدی و شنگالێ، دڤێت حکومەتا داھاتی یا ئیراقێ کار بو ئاسایکرن و ئاڤەدانکرنا وان دەڤەران بکەن و دیسان خەلکێ وان بھێنە قەرەبوکرن. ھەروەسان بارزانی ئاماژە کر کو ئەو پارتێن دنھا دا دژاتیا پارتی دکەن، ھەر ئەو بوون یێن داخازا پۆستان دکر، ڤەکێشانا وان ژ حکومەتێ ب تنێ بۆ بابەتێ بانگەشەیێ بکار ئینایە بێ گومان ئەڤ چەندەژی روویێ راستە قینەیێ وان پارتێن سیاسی بۆ ھەموو وەلاتیان دیاربوو کو ب تنێ کارێ وان پارتێن سیاسی ئەوە یاریان ب دەنگ و ژیانا وەلاتیان بکەن دیسان سەرۆکوەزیران ئاماژە دا ھندێ کو پشتی ھەلبژارتنا دێ ھەڤپەیمانیێن نوو ھەیە و ئەڤ گورانکاریێن داھاتی دێ د بەرژەوەندییا خەلکێ ھەرێما کوردستانێ بن و دێ رەوشا ئابۆری گەلەک باشتر لێھیت و ژیانا وەلاتیان ڤەگەریت بۆ پێش شەرێ داعشێ.
بارزانی کاریزما و سەرکردێ قوناغێن سەخت و دژوارە ل دەمەکی ھەموو بێ ھیڤی ببوون ژ مانا قەوارەیا ھەرێما کوردستانێ، بەلێ سەرۆکێ حکومەتێ نێچیرڤان بارزانی ب سیاسە و دبلۆماسیەتا خوە یا نەرم ھەموو خیانەتکار و خوەفرۆشێن نافخوە شەرمزارکرن و ھەموو دۆژمنێن کوردستانێ ژی نەچارکرن کو جارەکا دیتر بەرەڤ ھەرێما کوردستانێ بھێن چ ژ لایێ ئابۆری یان سیاسی و بێ گومان ئەڤ چەندە ھات پشتی ماندیبوونەکا مەزن بگرە ژ دیراسەتکرنا روودانێن بلەز یێن رۆژھەلاتا ناڤەراست و سەرەدانێن سەرکەفتی بۆ فەرەنسا و ئەلمانیا و داڤۆس و چەندین سەرەدانێن گرنگ بۆ ھەولێرێ ژ لایێ مەزن بەرپرسێن جیھانی وەکو یا دیار پارتێن سیاسی جودا جودا دچوونە بەغدا و بۆگرتنا فووتویەک دگەل عەبادی، بەلێ بارزانی ب فەرمی ل سەر مافێن وەلاتیێن ھەرێما کوردستانێ چوو بەغدا و تەھران و چەندین کومبوونێن گرنگ ئەنجام دان و عەبادی ژی راستەوخوە سەرەدەری ل گەل بارزانی کر، ژ بەرکو وی باش دزانی کو ھەموو رێک ب تنێ یێن ل دەڤ بارزانی و کلیلێن چارەسەرکرنا ھەموو ئاریشەیان ھەر ل جەم بارزانینە و پشتی ڤان ھەموو بزاڤان نوکە رەوشا ئابۆری یا ھەرێما کوردستانێ باشترە و رۆژ بۆ رۆژێ دێ بەرەڤ باشتر بوونێ چیت و نوکە ژی یا گرنگە وەلاتی بزانن کا کی دەستڤالا ڤەگەریا مال! و کێ جارەکا دیتر پێگەھێ ھەرێما کوردستانێ بھێز کر یا گرنگە وەلاتیێن ھەرێمێ پێکڤە بچنە دەنگدانێ و لیستا داستانێن سحێلا و پردێ ب ھەلبژێرن.