دوای 27 ساڵ ره‌تكردنه‌وه‌ی ژێرده‌سته‌یی
سازان وهاب
27ساڵ پێش ئێستا مێژووه‌یه‌كی هێنده دوور نییه دیمه‌نه‌كانی راپه‌ڕین پێشچاو نه‌خه‌ین و سه‌ركه‌وتنه‌كان نه‌زانین هۆكاری چی بووه، شۆڕش و پێشمه‌رگه داینه‌مۆی ئه‌م راپه‌ڕینه بوو، به‌ڵام كاتێك میلله‌ت هاوشانی ئه‌و داینه‌مۆیه وه‌ستایه‌وه و شانی دایه به‌ر قوربانی به‌خشین هاوشێوه‌ی پێشمه‌رگه بینیمان هێزی عێراقی چۆن راماڵێندرا و خۆیان راده‌ست ده‌كرد" ئه‌وه ئه‌نجامی متمانه‌یه‌كی گه‌وره‌ی نێوان میلله‌ت و هێزه سیاسیه‌كانی كوردستان و پێشمه‌رگه بوو" كه ئێستا ده‌بێ وانه‌ی 27 ساڵ پێش ئێستا دووباره بكرێته‌وه" ده‌نگی یه‌كده‌نگی كورد بگه‌یه‌ندرێته دوژمنان كه سه‌رشۆڕشكردن له كلتور و فه‌رهه‌نگی كوریدا نییه" ئه‌گه‌ر لایه‌نێك و كه‌سانێك و گرووپگه‌لێك ئه‌مه‌یان قبوڵ بێت مانای نییه كورد ژێرده‌سته‌یی قبوڵه.
مێژووی بزوتنه‌وه‌ی رزگاریخوازی كورد وه‌رچه‌رخانی گرنگی تێدایه به‌ڵام راپه‌ڕینی به‌هاری 1991 وانه‌ی گرنگتریشی له‌خۆی گرت و ئه‌نجامه‌كه‌یشی هێنا كایه‌ی حوكمڕانیه‌كی كوردی بوو، راسته مێژوو ناتوانێ چاو له‌و هه‌ڵه و كه‌موكوڕ و شه‌ڕی نه‌گریسی ناوخۆ بپۆشێ" به‌ڵام ناشتوانێ نه‌ڵێت: یه‌كئیراده‌یی سه‌ركه‌وتنی كورد له‌وه‌دا بوو هێزه سیاسیه‌كان و جه‌ماوه‌ری كوردستان به‌یه‌ك ده‌نگ و بازوو رووبه‌ڕووی هێزی داگیركه‌ری بوونه‌وه و كوردستانیان خاوێن كرده‌وه و میلله‌تیش به متمانه‌وه هاوشێوه‌ی رۆژی 25ی9/2017 ده‌نگی به‌رزكرده‌وه بۆ ره‌تكردنه‌وه‌ی ژێرده‌سته‌یی.
وانه‌ی راپه‌ڕین بۆ هێزه‌كانی كوردستان پێداچوونه‌وه‌یه" رێگه‌ی دروستی" به‌ده‌ستهێنانه‌وه‌ی متمانه‌ی خه‌ڵكه" بۆیه ئه‌م یاده به مه‌راسیم و وتار به‌ڕێ نه‌كرێت" به یه‌كده‌نگی و یه‌كهه‌ڵوێستی و متمانه‌ی نه‌ته‌وه‌یی و نیشتمانی به‌ڕێ بكرێت.
