سلێمانیێ ژى نه‌فرۆشن!!
شێرزاد نوری
ژ دهى وه‌ره ژماره‌كا زۆر یا كه‌سان ل پارێزگه‌ها سلێمانى و هه‌له‌بجه، بناڤێ خوه‌نیشانده‌ران ده‌ست ب سۆتنا باره‌گایێن حزبى و حكومى و تێكدانا ره‌وشى كرییه، وسا دیاردكه‌ن كو ئه‌ڤ خوه‌نیشاندانه ژبه‌ر نه‌دانا مووچه‌یێن فه‌رمانبه‌رانه، لێ یاراستى ڤان خوه‌نیشاندانان چ په‌یوه‌ندى ب مووچه‌ى و حكومه‌تێ ڤه نینه پتریا وان ژى كاسبن، به‌لكو بتنێ ئه‌ڤه پیلانه‌كا ژ ئالیێ چه‌ند كه‌سانڤه هاتیه دانان و ئه‌و ب خوه‌ژى داناڤا خوه‌نیشاندانان دا تێكدانا راسته‌و خوه جێ دكه‌ن، ئاراسته‌یا وان خوه‌نیشاندانان به‌ره‌ڤ سۆتن و تێكدانێ دبه‌ن، ڤێ پیلانێ چه‌ند مه‌ره‌مه‌ك پێ هه‌نه، ژوانژى كو هێرشكرنا سه‌ر باره‌گایێن حزبى سۆتنا وان باره‌گایان داكوته‌‌قه ژ ئالیێ كادرێن حزبێ ڤه بهێته‌كرن و كوشتن په‌یدابیت، 17 شواتێ دیسا دوباره‌بكه‌ن، دیسا ئه‌ڤ خوه‌نیشاندانه ب سه‌رپه‌رشتیا ئیران و ئیراقێ ژى دێ هێنه‌كرن لێ قاره‌مانێن وان ل سلێمانیێ نه، وسا هزر دكه‌ن دێ تێكدانا سه‌رانسه‌رى ل هه‌رێمێ جێ كه‌ن و بنه رێ خوه‌شكه‌ره‌ك بۆ ئینانا هێزێن ئیراقێ ل سلێمانیێ و هه‌ولێرێ، بووى ره‌نگێ كه‌ركووك فرۆتى.
نها ره‌وش ل وان ده‌ڤه‌رێن خوه‌نیشاندان لێ به‌ره‌ڤ مه‌ترسیێ دچیت، ژماره‌كا وان كادرێن حزبى داخوازا هاریكاریێن بله‌ز كرییه كو ژیانا وان د مه‌ترسیێ دایه، ئه‌و كه‌سێ بناڤێ خوه‌نیشانده‌ران سوتن و ته‌قه بكه‌ت دێ كوشتنێ ژى ب شێوه‌یه‌كێ ئاسان كه‌ن، لێ یا گرنگ ژبۆ ده‌ربازبوون ژڤێ ره‌وشێ پێدڤییه هێزه‌كا مه‌زن یا ئێمناهیێ بهێته بكارئینان و ل سه‌ر هه‌موو ده‌ڤه‌رێ بهێنه به‌لاڤكرن هه‌ر زوو رێكێ لوان كه‌سان بگرێن یێن دبنه ئه‌گه‌رێ تێكدانێ، دیسا تێكده‌رێن سه‌ره‌كى ژى بهێنه ده‌سته سه‌ركرن، خوه ئه‌گه‌ر پێدڤى بكه‌ت دڤێت بله‌ز هێزه‌كا مه‌زن ژ هه‌ولێر و دهۆكێ ژى بچن ژبۆ ئارام كرنا ره‌وشا نها ل پارێزگه‌ها سلێمانیێ په‌یدابووى، لێ تشتێ سه‌ره‌نج راكێش كو ب ئاشكراى هنده‌ك كه‌س دناڤا ڤان خوه‌نیشاندانا ده‌ردكه‌فن وه‌كو یوسف محه‌مه‌د سه‌رۆكێ په‌رله‌مانى مه‌هانه مووچه‌یێ خوه وه‌ردگریت دناڤا خوه‌نیشاندانان دا داخواز مافێ وان دكه‌ت، ب سه‌دان كه‌سێن دى یێن دیار بۆ خراب كرنا ره‌وشێ وه‌كو یوسفى ئاراسته‌یێن خراب هه‌نه، سلێمانى هه‌موو ده‌ما دبێژێن ئه‌م د زیندى نه لێ ئه‌گه‌ر راسته هین دزیندى بوون، لده‌مێ داگیركرنا كه‌ركووكێ ژ ئالیێ حه‌شدا شه‌عبى ڤه و كوشتن، برینداركرن، سۆتنا مالێن وه‌لاتیێن كورد بۆچى لوى ده‌مى هین دمرى بۆ لێ بوو تێكدانا ره‌وشا خوه هین وى ده‌مى زیندى دبن.
لێ پێدڤیه هه‌رێم ره‌وشا ئاوارته ب راگه‌هینیت تاكو ره‌وش به‌ره‌ڤ ئارامیێ بچیت، دیسا په‌رله‌مان و حكومه‌تا هه‌رێمێ ژى له‌ز بكه‌ت د هه‌یاما سێ مه‌هاندا كاربكه‌ن بۆ دیاركرنا رۆژا هه‌لبژارتنان و كرنا هه‌لبژارتنان داكو ئه‌ڤ ره‌وشا به‌ره‌ڤ داویێ بچیت، ئه‌و خه‌لكێ نها ژ حكومه‌تێ نه‌رازى و وان كه‌سان وێ حزبێ ب هه‌لبژارێن لدووڤ حه‌زا خوه، داكو ئێدى بس وه‌لات بهێنه بكارئینان ژبۆ به‌روژوه‌ندیێن هنده‌ك خائینان.
