نەوشیروان مستەفا چی وزە و هێز و توانای سیاسی و سەربازی هەیبوو لەناو یەکێتی سەرفی کرد، دوای ئەوەی لە پەلوپۆ کەوت و هیچی بۆ سلێمانیەکان نەکرد، هات لە بەرگی گۆڕاندا هەمان کۆنەی ناو یەکێتی بە نوێ پیشانی سلێمانیەکان دایەوە، سلێمانیەکانیش بێ ئەوەی بیر لەوە بکەنەوە کە ئەوە هەر کۆنەکەی ناو یەکێتییە، هاتن جارێکیتر بە بە نوێ کڕیانەوە.
دکتۆر بەرهەمیش ئێستا خەریکە هەمان سیناریۆی نەوشیروان میشتەفا دووبارە دەکەتەوە و دەیەوێ بە نوێ خۆی بە سلێمانیەکان بفرۆشێتەوە، ئەوە جگە لە باڵەکانی ناو یەکێتی، کە هەر باڵە و بە نوێ خۆیان پیشانی سلێمانیەکان دەدەنەوە، لەوانەش سەیرتر شاسوا چی کۆنەی وەلانراوی ناو یەکێتی و گۆڕان هەیە لە خۆی کۆکردوونەوە و بە سلێمانیەکان دەڵێ: ئێمە نەوەی نوێین و تۆزی کوورەمان پیوەیە و بۆ یەک چرکەش بەکار نەهێنراوین و وەرن ئەو بەهەشتەی ئێوە دەتانەوێ، لای ئێمە نەبێ دەستتان ناکەوێ.