پارتی هەر لە سنووری باکوری کوردستانەوە تا ناحەی (پردێ)ی باشوور بەرگری لە کوردستان و ماف و ئازادیە نەتەوەییەکان و کەرامەت و بوون و مانەوەی کورد دەکا و، بەرامبەر بە سوپای پاسدارانی ئێران و حەشدی شەعبی و سوپا مەزهەبیەکەی عێراق دەجەنگێ، لەوێشەوە تا خانەقین بێ تەقوتۆقە و حەشدی شەعبی حاکمی کەرکوکە و خورماتوو وێران دەکات، ئەرێ حزبەکانی سلێمانی چۆن وەڵامی مێژوو دەدەنەوە و بۆ داهاتووش چ پەیامێکتان پێیە؟
شارەکانی باشوور خرۆشاون و بە ئاڵای کوردستانەوە هاواری بژی پێشمەرگە دەکەن، باکوور و رۆژهەڵات و رۆژئاواش خۆزگەی راپەڕین لە دەروونیان دەجووڵێ و لە ئانوساتی رابووندان، کوردانی تاراوگەش دنیایان هەژاندووە و باڵیۆزخانە بە باڵیۆزخانە دەگەڕێن، تاکە شارێک لە ناویاندا بێدەنگ و کشومات بێ سلێمانی هەڵمەت و قوربانییە، ئەرێ حزبەکانی سلێمانی چۆن توانیویانە سلێمانی هەمیشە راپەڕیو ئاوا بێدەنگ بکەن؟ ئەی دەبێ سلێمانی چۆن وەڵامی هەژانی ٦ی ئەیلول و بەردەرکی سەرای بداتەوە؟