رژێمە یەك لەدوای یەكەكانی عێراق بەوەی ئێستاشەوە دەستپێشخەر بووە بۆ چارەسەركردنی كێشەكانی كە ئەویش مافەزەوتكراوەكانێتی لە رێگەی گفتگۆ و دانووستانەوە ، بە پێچەوانەوە هەر كاتێك هەنگاویی بەرەو پێشەوە نابێت ئەوا چ بە هێزی چەك بێ‌ یانیش بەكارهێنانی ناپاك و خیانەتكاران بێ ئەوا وەڵامی دەخوازە رەواكانی میللەتەكەمانی داوەتەوە.رووڕەشی‮ ‬هەر بۆ خائین و خۆفرۆشانە و جێگەشیان مەزبەلەی‮ ‬مێژووە،‮ ‬لە دوای‮ ‬سەد ساڵی‮ ‬كۆت و زنجیر لە دەست و پێی‮ ‬كورد،‮ ‬جەنابی‮ ‬سەرۆك هەموو دنیای‮ ‬هەژاند و هێنایە سەرخەت و كەرستەی‮ ‬دەوڵەتی‮ ‬كوردستانی‮ ‬ئامادەكرد وەكو وەسیقەیەكی‮ ‬مێژوویی‮ ‬بۆ سەد ساڵی‮ ‬تر كە ریفراندۆم بوو،‮ ‬ئەوەش مێژووە سەروەرییە بۆ جەنابیان كە تۆمار كراوە و ناسڕێتەوە،‮ ‬پێویستە رێز لەو وەسیقەیە بگیرێت و بێڕێزی‮ ‬پێنەكرێت لە كۆمەڵگای‮ ‬نیودەوڵەتی،‮ ‬چونكە ئیرادەی‮ ‬93%ی‮ ‬میللەتێكە،‮ ‬جەنابی‮ ‬سەرۆك چەند گەورە و بە هەیبەت بوو سەد بەرامبەری‮ ‬جاران گەورەتر بوو،‮ ‬چونكە میللەت هۆشیارە و دەزانن كێ خەمخۆری‮ ‬میللەتە و كێش خائین و خۆفرۆشە‮ و گەر ئێستاش رژێمەكەی عیبادی بە رژێمی خامنەیی و ئەردوغان و حەشدی شیعی لە خۆی دەفشێت ،ئەوا دەبێ‌ دڵنیا بێ‌ كە میللەتی كورد لە مافی سەربەخۆیی پاشگەز نابێتەوە و دەبێ‌ باجی تاوانكارییەكانی لەگەڵ ناپاكی كۆیلەكانی بداتەوە ..
داگیركردنی سەروماڵی كوردستانێان و ئابڵوقەدانی زەمینی و ئاسمانی دوژمنایەتییەكی راستەقینەی میللەتێكی تێكۆشەر و ئازادیخوازە كە دەیان ساڵە بە هۆی پێداگری لە سەر مافەكانی تووشی هێرشی نامرۆڤانەی رژێمە یەك لە دوای یەكەكان بۆتەوە ..گەر بمانهەوێت رۆحی شەهیدانمان ئاسوودە بێ‌ ، گەر بمانهەوێت رەنجی خەبات و ماندبوونی دەیان ساڵەمان بە هەدەر نەچێت بەسە ئیتر چاوەرانیی چی لە رژێمێك بكەین كە میلیشایی ئێرانی و چەك و جبەخانەی سەربازیی هاوشێوەیی رژێمەكانی تر لە دژی میللەتی كورد بەكار بێنێت .
رژێمەكانی پێشووتر وەڵامی كوردیان بە چەكی قەدەغەكراوە و كیمیایی و فسفۆر دابێتەوە ، ئەمجارەیان لە ماوەی سێ‌ ساڵدا ،ئەو رژێمە مەزهەبی بە پاڵپشتی رژێمی خامنەیی و داگیركەری ئێران ، سەخترین وقورسترین چەكی ئابووری لە دژی كورد بە بەمەبەستی شكاندنی ئیرادە و شكۆمان بەكارهێنا ، جگە لەو چەك و تەكنۆلۆیاییەی كە ئەمەریكا بە مەبەستی دامەزراندنەوەی سەرلەنوێ‌ سوپای رووخاویی عێراقی پێی نوێژەن بكەنەوە ، جارێ‌ هیچ نەببوو ئەوا بینیمان بە هەموو توانا یەكەوە میللەتی كوردیان پێی بۆردومان كرد و ئاوارە كرد و شارە بەدەریان كرد .
پرسی ریفراندۆمی سەربەخۆیی كوردستان بووبە پاساو بەدەستیانەوە، بە باوەڕی من لەم قۆناغەی ئێستاشماندا کە "لەزۆر رووەوە چوینەتەوە دواوە بۆ ماوەیەکی کاتی"، پێویستمان بە یەکڕیزی ناوخۆییی ھەیە، لەوێشەوە ئیش لەسەر پرۆژەی سەربەخۆی بکەینەوە، بەڵام بە سوودوەرگرتن لە ھەڵەو کەمووکوڕیەکانی دوێنێمان.ئەو مەرجانەی کە رژێمەكەی عەبادی دەیھەوێ بیسەپێنێ بەسەر ھەرێمی کوردستاندا، زۆرینەی خاڵەکانی وەک یاری مارو پەیژەکەوایە، لە لوتکەوە بەغدا دەیھەوێ بمانھێنێتەوە خاڵی سفر، نابێ کورد بەو مەرجانە رازی بێ ، چونکە خۆکوشتنی فیزیکی "جەستەیی" شەرەفمەندانەترە لەو مەرجانەی کە زۆرینەیان سوکایەتیکردنە بە کوردو دەستکەوت و خاک و ئازایەتی و قوربانیدان و سڕینەوەی مێژوویەک لە شانازیمان.
لەگەڵ ئەو هەموو تاوانانەی كەوا رژێمە یەك لەدوای یەكەكان دژی گەلی كورد ئەنجامیان دا بوو، بەڵام ئەوان ئێمە بە تێكدەر و ناحەق دەزانن و ئامادە نین گفتگۆمان لەگەڵ بكەن و خۆیان لە گەرٍاندنەوەی مافەرەواكانمان دەدزنەوە . ئەوەی لێردا گرنگە ئەوەیە كە چیتر متمانە بەو رژێمە مەزهەبی زاڵمە نەكەینەوە و چاوەرانی هیچیان نەكەین و كات بەو فیرۆ نەدەین و چونكە بە زیانی دۆزی كوردە ناوی خوای لێبێنین وجاری سەربەخۆیی بدەین و پشتیوانی و ئیرادەی میللەتەكەمان لە هەموو پشگیرییەكی نێو دەوڵەتی گرنگترە و دەبێ‌ پێداگر بین و پشتیوانی سەرۆك بارزانی بین و یەكریز بین بۆ پاراستنی دەستكەوتەكان و سەربەخۆیی تا گەیشتن بە كەنارٍی ئارامی..