بکۆرتی و بکوردی فەرە بێژین و پسیارێ ژ خۆ بکەین ئەرێ بۆچی ھەمی ئایین ھندەک رەفتار و شۆلا حەرام دکت؟ دیارە بنەمایێن زانستیێن ھەین، و ئایین ژ قەستی ئەو کار نەکرینە.
چونکی ئەو شۆل و کریار بۆ مرۆڤی و جڤاکێ ب زیانن: ژ لایێ جەستە و لەشی ڤە، و بارێ ئابووریێ وی کەسی و خێزان و جڤاکا وی، و بۆ ژیان و لایەنێ جڤاکی و بەلکۆ بۆ نەتەوە و وەلاتێ وی و ھەمی جیھانێ. ئەڤە ئەو ئەگەر و بناسن ھندەک تشت ژبەر وێ چەندێ ھاتینە حەرامکرن.
باشە ئەگەر دەنگێ " نەخێر" نەبیتە ئەگەرێ دووبارەبوونا ئەنفالەکا وەکی یا گەرمیان و بارزان و بەھدینا، و جینۆسایدا کوردێن فەیلی و ئێزدی و مەسیحی و ... ھتد، و نەبیتە ئەگەرێ کارەساتێن وەکی حەلەبچە و دەشتا نەینەوا و شنگال و ... ھتد، چ مفای دگەھینیتە کوردستانێ؟ ئایا ئەڤە نە زیانن بۆ تاکی و جڤاکا کوردستانێ؟
بێگۆمان ھەکەر ھندەک جاران و ھەلوێست و کاودانەک سیاسی و جڤاکی دا، "نەخێر" دروست و ئاسایی، و بەلکۆ گەلەک یا فەر و پیرۆز ژی بیتن، بۆ ڕیفراندۆمێ حەرامە، و خۆدانێن وێ ژبلی سزایێ جیھانا دیتر، ب سەدان سالا ژی ژ گڤاشتنا " ھەستا گۆنەھباریێ" د دەروونێ خۆ دا ئاسوودە و تەنا نابن، چونکی ئەڤ کارەدێ بتە گەلەک جۆرێت زیانا گەھینیتە وی و خەلکێ وی. *پرۆفیسۆرێ ە. / ئەکادیمی/ زانینگەھا زاخۆ