مەزن دبێژن:"دەستێ تەنا لسەر زکێ برسی" ! ڕاستی مەزنە و گەلەک ب ڕامان.
کا چەوا گەلەک ژ ئاریشەیێن خێزانی و ... ھتد، ژ ئەگەرێ زێدەگاڤی د مەزاختن و زێدەخازییا پارەی، و ڕێژ و بێژیێ یە دناڤ ھندەک یان ھەمی ئەندامێن مالەکێ، ھند ژی نەھێلانا وان ئاریشەیان ژی ب نەمانا وێ چەندێ نامینن.
دگۆتن ل سالێن ھەشتێیان ل کوردستانێ ( عێراقا ھنگی)، خەلکێ شەق ل پارەی ددان و گۆشتێ مریشکێ تژی بی لسەر گویفکان، بەلێ پا ھەر وان سالا ھزاران تاوان بسەرێ وان ھاتن: جینۆساید و ئەنفال و ... ھتد.
مغۆلستان، نیپال، بۆتان، و ... ھتد، ھەمی وەلاتێن گەلەک ھەژارن، کۆ مووچێ تاکی ل سالەکێ ھندێ یێ نیڤ ھەیڤا خەلکێ نینە، بەلێ پا کا کەسێ گۆە لێ بیە ئەو ھاتبنە ئەنفال و کێمیابارانکرن و جینۆساید ببن و ... ھتد؟؟!
ڤێجا ئەڤرۆ ئەم یێت ماین دگەل ھەلبژارتنا دناڤبەرا " زکی َتێر و تژی کارەسات" و " زکێ برسی و تەنا"، و ھوین دێ بڕیار دەن کیژ وان ھەلبژێرن، دا ئارامییا دەروونی بۆ خۆ و مالباتا خۆ مسۆگەر بکەت. ھوین دێ چ کەن؟