پشتى كو حكومه‌تا هه‌رێما كوردستانێ گرفتێن خوه‌ دگه‌ل كۆمپانیا دانا گاز بداوى ئینان نها هه‌ردوو ئالى رێككه‌فتى داوى ب ئاریشه‌یێن خوه‌ ئیناینه، رێككه‌فتا هه‌ردوو ئالیان بۆ ده‌ستكه‌فت ژبۆ كۆمپانیا دانا گاز كو رێككه‌فتنا وێ دگه‌ل حكومه‌تا هه‌رێما كوردستانێ بوویه‌ ئه‌گه‌ر كو بهایێ پشكێن وێ كۆمپانیێ بها ببن و ئێدى هێزا حكومه‌تا و ئابۆرێ حكومه‌تێ بوویه‌ ئه‌گه‌ر زێده‌كرنا داهاتێ و بهایێ بشكێن كۆمپانیان. پشتى كو ل سالا 2007 حكومه‌تا هه‌رێما كوردستانێ دگه‌ل دانا گاز رێككه‌فتین ل سه‌ر هه‌ردوو كێلگه‌هێن (كۆرمۆر و چه‌مچه‌مال) لێ ل سالا 2013 ل سه‌ر چه‌ند بابه‌ته‌كا ئاریشه‌ دناڤبه‌را هه‌ردوو ئالیان دا په‌یدابوو ئاریشه‌ گه‌هشته‌ وى راده‌ى كو دادگه‌ها له‌نده‌ن ناڤبه‌ینكارى ژبۆ چاره‌سه‌ركرنا كێشه‌یێن هه‌ردوو ئالیانكر، نها ديسا هه‌ردوو ئالیان رێككه‌فتن ئیمزاكرییه‌ و داوى ب هه‌موو كێشه‌یان خوه‌ ئیناینه‌، دڤى بیاڤى دا سه‌رۆكێ حكومه‌تا هه‌رێما كوردستانێ شیا باوه‌ریێ ژبۆ كۆمپانیا دانا گاز جێكه‌ت و ژوێ سكالایا تێدا داخوازا 26 ملیار دۆلاران كرى، كو وه‌كو قه‌ربووكرن بده‌ته‌ وێ كۆمپانیێ بتنێ نها ل سه‌ر 2 ملیار و 239 ملیۆن دیناران رازیكرییه‌، د رێككه‌فتنا هه‌ردوو ئالیان دا هاتییه‌ كو حكومه‌تا هه‌رێما كوردستانێ گۆژمه‌یێ 600 ملیۆن دۆلاران بده‌ته‌ كۆمپانیێ، حكومه‌تا هه‌رێما كوردستانێ گۆژمه‌یێ 400 ملیۆن دۆلاران دى ده‌ته‌ كۆمپانیێ كو پێدڤیه‌ د حسابه‌كا تایبه‌ت دا بهێته‌ دانا ئه‌ڤ گۆژمه‌یێ پاره‌ى بتنێ دێ بۆ مه‌ره‌ما وه‌به‌رهێنان و گه‌شه‌پێدانێ هێته‌ مه‌زاختن، دڤى ده‌مى دا و پشتى چاره‌سه‌ركرنا ئاریشه‌یا حكومه‌تا هه‌ریمێ دگه‌ل كۆمپانیا دانا گاز وێ چه‌ندێ رادگه‌هینیت كو حكومه‌تا هه‌رێمێ چ جاران خوه‌ ژ ئاریشه‌یان نه‌دایه‌ پاش و هه‌موو كێشه‌ ب رێكێن قانوونى چاره‌كرینه‌، بووچى رێككه‌فتنا هه‌ردوو ئالیان گرنگه‌؟ رێككه‌فتنا هه‌رێمێ دگه‌ل كۆمپانیا دانا گاز د ده‌مه‌كێ گه‌له‌ك كێمدا بۆ ئه‌گه‌ر كو بهایێن بشكێن وێ كۆمپانیێ زێد‌ه‌بنن و روویێ هێزا ئابۆرێ كوردستانێ نیشانى وه‌لاتێ جیهانێ بده‌ت كو بیته‌ رێكخوه‌شكه‌ره‌ك چه‌ندین مه‌زنه‌ كۆمپانیێن دیێن وه‌كو دانا گاز رێككه‌فتنا دگه‌ل حكومه‌تا هه‌رێمێ ئیمزا بكه‌ن، دیسا رێككه‌فتنا هه‌ردوو ئالیان دێ بیته‌ ئه‌گه‌رێ باشبوونا ره‌وشا كاره‌بێ ژبه‌ركو دانا گاز به‌رپرسه‌ ژ دابینكرنا گازا سرۆشتى بۆ وێستگه‌هێن كاره‌با كوردستانێ و شاره‌زایه‌كا باش دوى بیاڤى ژى دا هه‌یه‌، ئێدى ب پلانێن سه‌ركه‌فتى یێن سه‌رۆكێ حكومه‌تێ و حكومه‌تا هه‌رێما كوردستانێ ئاستێ پشكه‌فتنا ئابۆرێ كوردستانێ به‌ره‌ڤ خالێن بلند دچیت و سه‌ركه‌فتنا پلانان ئابوورى دبیته‌ ئه‌گه‌رێ سه‌ركه‌فتنا ئابۆرێ وه‌لاتى كو ئێدى چ قه‌یران ب سه‌ر هه‌رێما كوردستانێ دا نه‌هێن.