ل ڤان دوماھیکان چەندین جاران مە گوھـلێ بوو کا بۆچی سەرۆکێ حکومەتا ھەرێما کوردستانێ نێچیرڤان بارزانی یێ بێ دەنگە، بەلێ ھندەک کەس ھێشتا یێ د خەون و غەیالاندا دژین و حەز دکەن حکومەتا ھەرێما کوردستانێ توشی شکەستنان ببیت، بێ دەنگییا سەرۆکێ حکومەتێ ل داھاتی دێ چەندین سۆپرازێن خوەش بۆ وەلاتیێن ھەرێما کوردستانێ دگەل خوە ئینیت و دێ بیتە خەنجەرەکا ژەھرێ بۆ دلێ وان کەسان یێن چاڤەرێی شکەستنا حکومەتێ دكه‌ن.
سەرۆکێ حکومەتێ نەیێ بێ دەنگە، بەلێ ب بێ دەنگی کارێن مەزن دکەت و پێدڤی ناکەت ھەر کارێ بۆ وەلاتێ خوە بکەت بێخیتە ناڤا کەنالێن راگەھاندنێ، ژ بەرکو فەلسەفا سەرۆکێ حکومەتێ کارکرنەکا بەردەوامە بۆ ھندێ ژیانەکا خوەش و ئارام بۆ ھەموو پێکھاتەیێن ھەرێما کوردستانێ دروست بکەت بێ جوداھی.
حکومەتا ھەرێما کوردستانێ و ب تایبەتی سەرۆکێ حکومەتێ ل ڤێ دوماھیکێ چەندین کارێن مەزنکرینە ل داھاتی ھەموو ئەو کارە دێ ب ئاشکرایی بۆ ھەر کەسەکی دێ دیاربن وەکی رێکەفتنا دگەل وەلاتێ رۆسیا کومپانیا روسنەفت کو ئێک ژ مەزنترین کومپانیێن جیھانێ یە دبیاڤێ نەفتێ دا ئەڤ رێکەفتنە نەھند کارەکێ ب ساناھییە، ژ بەرکو ب سەدان وەلاتان خەونا وان ئەوە رێکەفتنێن ب ڤی رەنگی بکەن، ژ بەرکو داھاتێ ڤێ کومپانێ راستەخوە یێ گرێدایە ب حکومەتا روسیاڤە و ڤێ رێکەڤتنێ چەندین مفاھەنە وەکی بھێزبوونا ئابۆرێ کوردستانێ و بھێزکرنا پێگەھێ ئابۆری یێ ھەرێمێ ل سەر ئاستێ جیھانێ و نەچارکرنا روسیا بۆ پاراستنا ھەرێمێ ژ ھەر مەترسیەکێ و چەندین میدیایێن ب ناڤ و دەنگێن وەلاتێ روسیا گرنگیەکا مەزن دایە ڤێ رێکەفتنێ و دیارکرییە کو ب سەرۆکاتییا نێچیرڤان بارزانی ل ڤان نێزیکان دێ ئابۆرێ ھەرێما کوردستانێ ڤەگەریتەڤە.
مەزنترین بیرمەندێن جیھانێ دبێژن: فەلسەفا سیاسەتکرنەکا سەرکەفتی نەئەوە تو بەرگریێ ژ مانا خوە بکەی، بەلکو ئەوە تو ب رێکێن دبلوماسی و بەرژەوەندیێن ھەڤپشک ھەموو وەلاتان نەچار بکەی کو بەرگریێ تە بکەن لڤێرە سەرۆکێ حکومەتا ھەرێما کوردستانێ ب ڤێ رەنگی سیاسەتێ دکەت کو ئەڤرۆکە ب سەدان رێکەفتنێن گرنگ یێن ئابۆری دگەل وەلاتێن جیھانێ ئیمزا دکەت بۆ ھندێ سوباھی ئەڤ ھەموو وەلاتاتە ھەرێما کوردستانێ ژ ھەر مەترسیەکێ بپارێزن.
ل ناڤ خوەیا ھەرێمێ ژی ل دەمەکێ نێزیک دێ گرنگی ب چەندین کەرتێن ئابۆری ھێتەدان وەکی کەرتێ چاندنێ و پێئێخستنا کەرتێ گەشت و گۆزارێ و دیسان بھێزکرنا پەیوەندیێن ئابۆری دگەل وەلاتێن جیران ب تایبەتی تۆرکیا و ئیرانێ نوکە قەبارەیێ بازرگانیێ دناڤبەرا حکومەتا ھەرێما کوردستانێ و ئێرانێ و تورکیا نێزیکی ١٥ ملیار دۆلارانە ئەڤ چەندە ژی دبیتە بەرسڤەک بۆ وان کەسان یێن پرۆپاگندەیا ھندێ دکەن کو ئەڤ ھەردوو وەلاتە دێ سنۆران ل سەر ھەرێما کوردستانێ گرن ئەگەر ھات و ھەرێما کوردستانێ سەربەخوویا خوە راگەھاند.
ل دوماھیکێ ل ڤان نێزیکا ب سەرۆکاتیا نێچیرڤان بارزانی سەرۆکێ حکومەتا ھەرێما کوردستانێ دێ ئابۆرێ ھەرێما کوردستانێ بەرەڤ گەشەکرنەکا مەزنڤە چیت و چەندین پێنگڤێن مەزن ھاتینە ھاڤێتن و چەندین ژێدەرێن دیتر ھەنە بۆ ھندێ ئابۆرێ ھەرێما کوردستانێ گەشەکرنەکا مەزن ب خوە ڤە بینت وەکی ھنارتنا گازا سرۆشتی بۆ تورکیا و ئەورۆپا و شارەزا دیاردکەن کو ٣% ژ گازا سرۆشتی یا جیھانێ ل ھەرێما کوردستانێ یە، بێگومان گازا سرۆشتی ژی دێ بیتە خالەکا بھێز بۆ بھێزکرنا پێگەھێ دەولەتا داھاتی یا کوردستانێ ژ لایێ ئابۆری و سیاسیڤە ب سەرۆکاتیا حکومەتا ھەرێما کوردستانێ.