دبێژن زێری زەر بۆ رۆژا رەشە!! رۆژاتەنگاڤیێ ژی هەر دەسكەفتەكێ مرۆڤی د ژیانا خوە دا هەلگرتی، دڤێت بینتە دەر و بمەزێخیت،مسڕی دبێژنێ (شقی العمر)، ئەڤرۆ ملەتێ مە یێ بێگونەه و ستەملێكری، رۆژا كەیسا وی هاتیە كو بەلكو ڤێ جارێ پیلێ وی بهێت و ببیتە دام!، دڤێت ڤی دەستكەفتی ژی بۆ بدستڤەئینانا دلۆڤانیا نیڤدەولی بیت، هندەك دەسكەفتی د دەست مەدانە و مە های ژێ نینە، وەكو یێ پێكڤەژیانا ئاشتیانە یا كەمنەتەوی و ئاینیكو هەرێما مە یا كوردستانێ پێ دهێتە خەملاندن.چونكو مرۆڤاتی كەلهەكا بلندە ب جوانیا پێكڤەژیانێ دهێتە ئاڤاكرن!، چیژا وێ من ب خوە وەكو كەس چ جاران ژبیر نەكریە، دەمێ مالامە ل بەرامبەر مزگەفتا شێخ سەعید پیران ل باژارێ دهۆك، مالا پترسێ كریستیان ل رەخێ مە یێ راستێ و مالا فەرهادێ كوردێ ئێزدی ل رەخێ دیتر، جیرانەكێ مە یێ توركمان هەڤژینا وی یا فارسی بوو، هەر وەسا جێرانێ دیتر هەڤژینا وی یا عەرەب بوو، خۆشترین چیژا ئاشتیانە و دلسۆزانە ئەوبوو دژیانێ دا مە بۆراندی، خۆشی و نەخۆشیێن مە ئێكبوون. ئەڤە چپكەكە ژ دەریایەكێ!، هەر وەكو دەڤەرا من كو قەزا شێخانە، كۆپیەكا كەركووكەكا بچووكە، میناكا پێكڤەژیانێ یە، نە تو كوردێ ئێزدی ژ یێ كریسیتان جودا دكەی و نە كوردێ موسلمان و یێ سابئی و بەهائی فەرق دكەی، هەمی ژی پێكڤە شانازیێ ب وێ سیبەرێ دبەن، یا كو سەرۆكێ كارێزما ئەو عشقا وەلاتیبوونێ و تۆڤێ ئاشتیێ خستیە د دلی دا،ب كەتەزیا وی ل سەر پێكڤەژیانێ، چونكو ئێك ژ ئەركێن سەركردەیان ئەوە، سحرا ڤیانا وەلاتی بێخیتە د گیانێ گەلێ خوە دا،هەروەسا ناهێتە ڤەشارتن كو حوكمەتا هەرێمێ ژی شوونتلێن شارستانیێ ل وان جهان دریغی نەكریە، نەكو ئەڤە دەڤەرا منە وەسا ئاماژێ پێ ددەم. مە دیت ل دەمێ رزگارنا تلسقۆف ژ دەستێ داعشا خویناوی دەمێ سەرۆكێ كوردستانێ، د هەمبێزا هەمی ئایینزانێن جودا جودا، تابلۆیەك ژوژدانا مرۆڤاتیا ئاشتیانە هەژاندی، جهێ سرنجا مرۆڤاتیێ بوو. میناك ناهێنە هەژمارتن هەكە ب من بیت دێ هەمیا ل ڤێرە سەردكەم وەكو پۆرفیسۆرەكێ عەرەب بەری چەندەكێ گۆتە من، مە ل كورستانێ كەسەك هەیە، بەرەڤانیێ ژ مە دكەت، ئەو ژی سەرۆك مەسعود بارزانی یە. ئەم ژ عیراقا عەرەبی هاتینە و پەنابریێ و ژدل و جان ل گەل سەربخوەیا كوردستانێ یە. ئەڤ مژارێن هەنێ دوور ژ رەهوریشالێن دیرۆكی و هەمی رەنگێن ئایین و نەتەوان كوردستانەكا ئێك رح و دل گەهاندیە سەربۆرا ئەڤرۆ، كو دوژمن بەری دۆستان شانازیێ پێ دبەن!!. ئەڤنە هەمی ل بەرامبەر جڤاكێ نیڤدەولی دەسكەفتەكێ سەردەمانە و سەركەفتی یە، وەكو سەربۆرا ئەمریكا كو ب هەمەجۆریا مرۆڤان سەركەفتن ئیناینە، دوور نابیت كوردستانێ ژی وەكو ویلایەتەكا وێ بیت، ببیتە هێڤینەك بۆ بەربەلاڤكرنا پرەنسیپێن ئاشتی و دیمۆكراسیێ و بببتە ئەنتیێ وێ هشكباوەریا دەڤەر سەرگرتی د گەمارا تیرۆرێ و پاشڤەمایێ دا.. ب نێرینا من ئەڤە ژی سامانەكە و بازارێ مەزاختنا وی هاتیە رەواجكرن، بلا خوە قەلس نەكەین و بهاڤێژینە د بازارێ‌وێ دا، چونكو مادەم تەلەب هاتیە،وەرندائەمژیعەرزبكەین،هێشتائەرزاننەبووی!!.
شێرزاد نایف
