ئێك ژ وان كێشه‌یێن هه‌ره گرنگیێن راگه‌هاندنا گشتپریێ به‌ر ب سه‌ربخوه‌یێ و هاندانا سه‌رۆكێ وه‌زیران نێچیرڤان بارزانی بۆ سه‌ربخوه‌یكرنا ئابوورێ هه‌رێمێ رێگریكرن ل جێبه‌جێكرنا ماددێ 140 ژ لایێ حوكمه‌تا عیراقێ ڤه هه‌ر ژ ده‌سپێكرنا ره‌شنڤێسا دستووێ عیراقێ و هه‌تا ئه‌ڤرۆ، هه‌ر وه‌كو ب به‌لگه وێ په‌رله‌مانتارا سه‌ر ب نووری لمالكی ڤه ڤه، دانپێدان دكه‌ت كو چه‌ندین سالان ئه‌وێ رێگری ل جێبه‌جێكرنا ماددێ 140 گرتیه، وه‌كو ئه‌ندامه‌كا سه‌ره‌كی یا وێ لیژنێ، سۆر و سۆر وێ خانمێ كه‌رب و ژه‌هرا خوه دارێته سه‌ر ملله‌تێ هه‌رێمێ و دژاتیا مه كوردان كریه، نزا مه ئه‌و گرۆڤه ژبیركریه یان ئه‌م ژبیرا خوه دبه‌ین؟، ب رێگریكرنا ساده‌ترین مافێن ژیانا زارۆیێن كوردان براوه‌ستێت. واته ژیانكرنا مه وه‌كو مرۆڤێن ساده ب دلێ وان نینه، هه‌ر ژ خێر و خێراتێن ڤی ئه‌ردێ مه بخوه، نه‌ك منه‌ته‌ك یا سه‌ده‌قه‌یه‌ك ژ حوكمه‌تا پرانیا شیعی برێڤه‌دبه‌ت، هه‌ر وه‌كوخۆشیه‌ك تێدا ئه‌زیه‌ت بگه‌هیته مه، بمینین هه‌ڤوه‌لاتیێن پله دو هه‌تاهه‌تایێ، هه‌كه تو وه‌كو وه‌لاتیێ به‌غدا نه‌بی وه‌كویێ به‌سڕا نه‌بی، وه‌كو دیالا نه‌بی، ئه‌و به‌رهرا خوه یا گازێ ل گه‌ل ئازۆقه‌ی وه‌ربگرن، تو وه‌رنه‌گری، په‌نزینا وان یا ناڤه‌ندی بیت، بۆ ته نه‌بیت، ئه‌وان مووچه هه‌بیت، ته نه‌بیت، ما چو جوداهی هه‌یه؟!، بۆچی سه‌ربازه‌كێ حه‌شدا شه‌عبی مووچه‌یێ وی پتر بیت ژ ئه‌فسه‌ره‌كێ پله‌یا سه‌ركردا هه‌بیت د ناڤ پێشمه‌رگه‌ی دا، بۆ نموونه عه‌ریفه‌كێ له‌شكرێ عیراقێ مووچێ وی پتر بیت ژ عه‌قیده‌كێ پێَشمه‌رگه‌ی، سه‌ره‌رای وێ ئێكی كو پێشمه‌رگه‌ی پتر تێكۆشان دیتیه و پتر خزمه‌ت كریه بۆ ناڤوده‌نگیا عیراقێ پتر كریه. یان هه‌مان گرۆڤه‌یا وێ خانما دیتر یا ل سه‌ر هه‌مان لیستێ ده‌مێ ب سڤكاتی هه‌رێم سالۆخه‌ه‌تكری وگۆتی: ماێ كوردستانێ چ تشت هه‌یه ژ بلی ماستئاوا هه‌ولێرێ و كه‌بابێن سلێمانیی!!. بۆ خوه گه‌له‌ك دشه‌ریفن و بۆ ملله‌تێ كوردێ هه‌ژار ئاگرن. ته دیت كارمه‌ندێن عه‌ره‌بێن مووسل سێ سالان خزمه‌تا خیلافه‌تا داعشا خویناوی یا تیرۆرست كری، مووچه‌یێن سێ سالان ژ عیراقا عه‌بادی و مالكی وه‌ربگرن و پێشمه‌رگێ خۆگۆریكر بۆ راگرتنا عیراقێ وه‌رنه‌گریت، ئه‌و پێشمه‌رگێ عیراق ب سازیێن خوه‌ڤه راگرتی و پاراستی پشتی رۆخیانا 2003، چونكو تاكه سازیا له‌شكری و نیزانی یا فه‌رمی بوو ل عیراقێ، ده‌ستێ خوه دا به‌ر سازیێن گرنگ یێن عیراقێ و هه‌می به‌رپرس و سه‌ركردێن به‌رگریا خستن ژێر پاسه‌وانیا خوه و پاراستنا وان دكر، ژ بلی هند نان دایێ و د نیڤا چاڤێن خوه دا حه‌واندین، یانژی ئه‌ڤه ئه‌و ده‌روونه یا قه‌نجی ب كێر نه‌هێت؟!. مه باش زانی كو ژیانكرن و دانستاندن ئه‌م یێن ل گه‌ل دیواره‌كی دكه‌ین، ئێدی سه‌ربۆر گه‌هشته دووماهیێ، وه‌كو مه‌زنان ژ باب و باپیرێن مه گۆتی: بلا مرۆڤی دیكلێ رۆژه‌كێ بیت، نه‌كو مریشكا سه‌د سالان.. بلا مرۆڤ نانێ سه‌رشۆریێ و ره‌زاله‌تێ نه‌خۆت.. ل دووماهیێ ژی دبێژمه ڤه، مه‌زنا چ بۆ مه نه‌هێلایه و نه‌گۆتی و بلا مرۆڤی نانێ ب خۆت ب ئاڤێ و منه‌تا خه‌لكی بهاڤێت!!.
شێرزاد نایف
