هیچکات نەمویستووە لە جوڵانەوەو بیرکردنەوەی سیاسیم (کورد) لە (ستان) جیابکەمەوە ، نەمویستووە (نەتەوەیێک) فەرزبکەم لەسەر (خاکێک)و، هەموو ئەوانیتر زەربی سفر بکەم ، پێمخۆشنەبووە جیۆگرافیاو دیموگرافیاو مێژوی کوردستان لە پێناسێکی تەسکی تاکگەرایی ناسیۆنالیزمی موطەطەرف تەبەنی بکەم.

حەدەسێکی سەیر!
صوتفەیێکی ئازاربەخش!

عەجەب غەرقی عارەقەی شەرمەزاری نابن کاتێک دەبینن هۆزی (عەرەب)هەن، داوای ئەوە دەکەن لەژێر ئاڵای دەوڵەتی کوردستان شوێنێکی ژیانییان هەبێت و ئەوانیش تەحالوف لەگەڵ ئەژدیهاو مارە ژەهراوییە دژە کوردەکان دەکەن ، ئێستا (تورکمان و ئاشور و کلد و سریان و ئەرمەن) کوردانەتر لە بعزێک ئەولاد حەرامی کورد بۆ سەرخستنی پرۆژەی (ڕیفراندۆم) کاردەکەن و تێدەکۆشن بۆ ئەوەی لە دەوڵەتێکی مرۆڤسالاردا گوزەری ژیان بکەن نەوەک لەژێر سێبەری ئاڵایێکی بەرهەمهێنی دیکتاتۆرانەدا بژین.
دەوڵەتبوون کۆتایی بە ژیانی مرۆڤە لاشی و شەرانگێزەکان دەهێنێت ، دەوڵەت سنورەکان لەسەر ئەرز و ئاسمان دەنەخشێنێت و کلتور و شارستانییەتی جیۆگرافیایەک دیاردەکات ، ئەوانەی دژی دەوڵەتی کوردستان پلاندەگێرن مرۆڤی بێمۆراڵ و ئەندامی تەحالوفی نەیارانی کوردستانن ، ئەوان تەقەبولی دۆخی حەقیقی کوردستان ناکەن ، هەر ئەوەشە وایکردووە ببن بە بەشێک لە سوپای بەکرێگیراو و بۆ ئەجێندای دوژمن تێبکۆشن و خاک و نیشتیمانی خۆیان لەبیر بکەن.