دوای ئه‌وه‌ی یوسف محه‌مه‌د به مه‌به‌ستی كۆبوونه‌وه له‌گه‌ڵ قونسوڵگه‌ریه‌كان به نوسراوی فه‌رمی هه‌موویانی ئاگادار كردن، به‌ڵام بێ روونكردنه‌وه كۆبوونه‌وه‌كه‌ی دوا خستووه بۆ كاتێكی تر، بێده‌چێ هۆكاری دواخستنی كۆبوونه‌وه‌كه پڕ ئیشی و سه‌رقاڵی و چاودێری كردنی بێ به‌سه‌ر پرۆسه‌ی ئاڵوگۆڕی پۆستی پارێزگاری سلێمانی و هه‌ڵه‌بجه‌وه، به‌وه‌ش هه‌موو قونسوڵگه‌ریه‌كانی حستنه حاڵه‌تی ئینزاری (جیم) و سه‌رچاوه‌یه‌كیش له یه‌كێتی قونسوڵگه‌ریه‌كان كه نه‌یویست ناوی بڵاو بكرێته‌وه پێی راگه‌یاندم، كه هه‌موو قونسوڵگه‌ریه‌كان سه‌یاره‌كانیان پڕ كردووه له به‌نزین و شوفێره‌كان ده‌ستیان له‌سه‌ر سلفی سه‌یاره‌كانیانه، به‌رپرسی قونسوڵگه‌ریه‌كانیش قه‌یتانی قۆنده‌ره‌كانیان توند كردووه و له چاوه‌ڕوانی فه‌رمانی جه‌نابی یوسف محه‌مه‌د دان، من زۆر كه‌م پێده‌كه‌نم، به‌ڵام به‌و هه‌واڵه ئه‌وه‌نده پێكه‌نیم ده‌ستم به زگی خۆمه‌وه گرتبوو.
سووره مه‌رگه‌یی
