شازاد ئەنوەر
*لە هێرشی پێرڵ هاربەردا شكستێكی سەرسوڕهێنەر بەسەر مارێنز-دا هات ژاپۆنیيەكان تەواوی توانای ئاسمانی خۆیان بەكارهێنا تا هێزی دەریايی ئەمریكی تێكبشكێنن و پتر لەسێ هەزار و سێسەد دەریاوانیان لەناوبرا، ئەو شەڕە وایكرد چەكی ئەتۆمی لە جەنگی دووەمی جیهان بەكاربێت، هیرۆشیما و ناكازاكی هەزار ئەوەندەی ئەو رووداوە قوربانی لێكەوتەوە، بەڵام كۆتایی بە جەنگی دووەمی جیهان هێنرا، نە مۆسۆلینی و نە هیتلەر بەرەنگاری حاڵەتەكە نەبوونەوە، ئیتر لەوێوە جوگرافیای جیەان بە پراكتیكی گۆڕانكاری بەسەر داهات، بەڵام ئەو شێوەیە نەیتوانی مەودای جیۆپۆلەتیك بە بەرژەوەندی دوو جەمسەری كەپیتەلیزم و سۆسیالیزم بگۆڕێت، چونكە لە ئەوسادا ئاسان نەبوو لە(كونفەیەكونێك) گەردوون شێوازێكی نوێ بەخۆیەوە ببینێت، هەموومان دەزانین گۆڕانكاری بە بێ هەڵكەوتەی كۆمەڵایەتی و ئابووری مەحاڵە وەدی بێ.
*ویلایەتە یەكگرتووەكانی ئەمریكا پێشەنگایەتيیەكی نوێی سەردەستەیی لە نوێبوونەوەی سەردەمی سەرمایەداری پێشكەش كردووە، لێ لە هەشت ساڵی رابردوودا بەڕێز ئۆباما سەرۆكی ئەو وڵاتە درێژەی بەو میتۆد و سیستمە نەدا. نایشارمەوە لای خۆم قەناعەتێكم بۆ دروست بووە، چونكە ئەو پیاوە رەشتپێستێكی ئەفریقییە و هەمیشە خۆبەكەمزانینی لابۆتە گرێیەكی دەروونی. جۆرج واشنتن ویستی مۆدێكی نوێ لە ژیانی سیاسی ئەمریكا، وەكایە بێنێت، روانینی جۆرج وەك بۆش خۆرەەڵاتی ناوەڕاستی بە شكڵ و شەمایلێكی دی داڕشتەوە. پێشمەرگە هێمایەكی تازەی خستە بەردەم زوومی مارێنز و گوتی: قودرەتی ئابووری و تەقەمەنی ئێوە و تاقەتی بەشەری و خوێنی ئێمە، كەچی لە بری گوێگرتن لەو فكر و فەلسەفە تازەیە، دەڤەرەكەیان خستەوە بەردەم شەڕی ساردی قۆناغی جەنگی دووەمی جیهان. بەڵێ رووسیایان گەڕاندەوە هەمان جوگرافیای پێشووتر، ئێستا لە سوریا و عێراق و بگرە مۆریتانیا تا دەگاتە یەمەن بە هەژمونێكی كاریگەر هاتوونەتەوە گۆڕەپان. دەپرسم كۆشكی سپی ئەمڕۆ لە كوێی ئەو بیردۆزەدایە؟!
*ئەمڕۆ نە سەردەمی پێرڵ هاربەرە نە جەنگی دووەمی جیەانیش ماوە، هاشوهووشی ئابووری لە خۆرهەڵاتی ناوەڕاست هەموو سایتی رێڕەوەكانی تێپەڕاندووە. كورد توانای بەشەری و قودرەتمەندی رادەبەدەری تێدا مەوجوودە، گەر واشنتۆن، یاخود مۆسكۆ و پاریس و لەندەن بیانەوێت پێگەی خۆیان لەو فەزایە بهێڵنەوە، دەبێت سوود لەو هەناسە بەشەریيەی كورد وەربگرن، بە پێچەوانەوە زەمانی رابردوو رەفت و گوزەشت، ئیتر ئێمەش دەوڵەتمان دەوێت، چونكە لە بەرژەوەندی هەمووانە.
* لۆژیك پێمان دەڵێت لەهەر ماراسۆنێك پێش نەكەوی، یەكێكیتر پێشت دەكەوێت، ئێمە ئێستا لە پێشەوەین، بۆیە جارێكی دى رێگە نادەین كەس لێمان بباتەوە.