وەکی دهێتە گوتن و دیتن ژی کو گوهۆڕینەک ب سەر نەخشەیێ وەلاتێن جیهانێ و نەخاسمە ڕۆژهەڵاتا ناڤی بهێت، ئەڤە ژی دێ وێ چەندێ کەت کو چ پەیوەندیێن وەلاتان زێدەتر بهێز بکەڤن یان ژی ئەڤ چەندە دبیتە لێکتڕازانەک دروست بیت دناڤبەرا واندا.
هەر چەوا بیت ئەڤ چەندە پێدڤی هندێ بیت و خواستا وان ل سەر وێ یەکێ بیت کو دڤێت ئێکگرتی بن و ب هەڤڕا چارە بکەن وان کێشەو گرفتانە.
نموونە ژی وەلاتێ تورکیا نوکەدا نەشیت چ پێنگاڤان بهاڤێژیت بۆ پرسا چارەسەرکرنا کوردان، بێ هەبوونا هەرێما کوردستانێ، لەوما ئەڤ چەندە تیشک دئێخیتە سەر هندێ کو هەبوون و بەرهەڤییا بەرپرسێن باشوور و نەخاسمە وجود و بریارا سەرۆک بارزانی، ئەڤرۆکە زۆرا گرنگە و پێدڤییە تورکیا ژی باش بزانیت و زانییە ژی کو بێ هەرێمێ چ پێنگاڤێن ئاشتیێ ناهێنە هاڤێتن.
ئەڤرۆکە ژی سەرۆکوەزیرێ هەرێما کوردستانێ و جێگری پارتی دیموکراتی کوردستان، مسرور بارزانی، ب سەرەدانەکا لەز و فەرمی گەهشتە ئەنقەرە ژلایێ بەرپرسێن وی وەلاتی و ڕەجەب تەیت ڤە هاتە پێشوازیکرن و دیسان ژی ئەڤ چەندە ئاماژە ددەتە هندێ کو بێ کوردان چ هەڤسەنگی نابیت ل ڕۆهەڵاتا ناڤی.
ئەڤ چەندە ژی وێ یەکێ دگەهینیت کو مسرور بارزانی، دکاریت ڕولەکێ مەزن و گرنگ ل پرۆسەیا ئاشتیێ و کوردان ل دەڤەرێ و لەوما یا فەرە و پێدڤییە ژی هەمی لایەنێن سیاسی ل سەر پرسا کوردا ن ئێکگرتی بن و هەڤڕا بن بۆ هندێ بگەهن دەستکەفتێن مەزنتر بۆ مللەتێ کورد.
تایبەت ئەڤ لایەنێن کوردان ل سووریی و تورکیا ژی هەموو ل سەر پرسا نەتەوەیی و کوردان ئێکگرتی بن و بهێنە ل سەر خەتێ دگەل سەرۆک بارزانی، بۆ هندێ دا ئەڤ نەتەوێن دیتر مفا ژ هەڤدژیا وان نەبین و هەبوونا کوردان زێدەتر لاوازتر بکەن.
چونکی نەک تنێ تورکیا بەلکو ئیران، ژی دڤێت هندی دەستێن وان بهێت ب هاریکاریا عەرەبان، پێکڤە ئەو بزاڤێن تێکدەرییا ناڤ مالا کوردی بکەن و دخازن پێگەهێ مە بهێز نەکەڤیت. کو بزاڤێن وان چ لایەنێن کوردی یان دیتر ببن مەترسی ل سەر دروستکرنا دەڤەرەکا ئارام و هەبوونا کوردان بۆ سەر نوێکرنەڤا نەخشەیی جیهانی یان هەر وەلاتەکێ.
هەروەها بۆ تورکیا ژی ئاشکرابووییە کو دڤێت پرسا کوردان چارەسەر بکت و گرنگە ژی بهێتە چارەسەرکرن، چونکی وەکی مە ل دەستپێکێ گوتی، بێ کوردان هەڤسەنگییا ڕوژهەڵاتا ناڤی زەحمەت و قورستر بیت، بەرهندێ پێدڤییە ب هەبوونا کوردان بیت و پرسا وان بهێتە چارەکرن.
ب هەر حال چ ڕوویێ ئەمریکا یان ئیسرائیل و ڕوسیا .... ڤانە ژی دڤیت و پێدڤییە ژی ڕولێ کوردان، ژبیرنەکەن و پشتا خۆ نەدەێ و هاریکار و پشتەڤان ژی بۆ هندێ کۆ زێدەتر کورد نەهێنە بچووککرن و بگەهن ماف و دەستکەفتێن خۆ یێن دەستووری و یاسایی زێدەتر.