باڵیۆزی ئه‌مه‌ریكا پشتگیری ولاَته‌كه‌ی بۆ عێراق دووپاتده‌كاته‌وه
سه‌رله‌نوێ باڵیۆزی ولاَته یه‌كگرتووه‌كانی ئه‌مه‌ریكا له عێراق كریستۆفه‌ر هێڵ پشتگیری ولاَته‌كه‌ی بۆ حكومه‌تی داهتووی عێراق دووپاتكرده‌وه، ئاماژه‌ی به‌وه‌شدا پرسی سه‌رۆك وه‌زیران پرسی خودی عێراقییه‌كانه و واشنتۆن ده‌ست له‌و پرسه ناوخۆییه وه‌رنادات.
له لێدوانێكی رۆژنامه‌وانیدا هێڵ گوتی: پرۆسه‌ی پێكهێنانی حكومه‌تی نوێ و دانووستانه به‌رده‌وامه‌كانی نێوان كوتله سیاسییه‌كان به‌ڵگه‌ن له‌سه‌ر ئه‌وه‌ی هه‌موو لایه‌ك په‌لله ده‌كات بۆ ئه‌وه‌ی عێراق له بێ حكومه‌تی ده‌رباز بكات و ئه‌و ئاسته‌نگانه ببرِێ كه دێنه به‌رده‌م پێكهێنانی حكومه‌ت.
هێڵ جه‌ختیش له‌سه‌ر ئه‌وه كرده‌وه ولاَته‌كه‌ی به پێویستی ده‌زانێ حكومه‌تی داهاتووی عێراق له‌سه‌ر بنه‌مای شه‌راكه‌تی نیشتمانی دابمه‌زرێندرێ به‌شێوه‌یه‌ك هه‌موو لایه‌نه‌كان به‌شداربن و نوێنه‌رایه‌تی راسته‌قینه‌ی گه‌لی عێراق بكات.
له به‌شێكی دیكه‌ی قسه‌كانیدا هێڵ داوای له ولاَتانی دراوسێی عێراق كرد رێز له ئیراده‌ی گه‌لی عێراق بگرن و ده‌ست له كاروباری ناوخۆی ئه‌و ولاَته به‌تایبه‌ت پرسی پێكهێنانی حكومه‌ت و هه‌ڵبژاردنی سه‌رۆك وه‌زیران وه‌رنه‌ده‌ن.
