هه‌ولێر .. كۆنفراسی ئاماده‌كاری سه‌رژمێری گشتیی عێراق ئه‌نجام ده‌درێ

هه‌ولێر .. كۆنفراسی ئاماده‌كاری سه‌رژمێری گشتیی عێراق ئه‌نجام ده‌درێ
وه‌زاره‌تى پلاندانانی عێراق به‌هاوئاهه‌نگیی وه‌زاره‌تى پلاندانانى هه‌رێم بۆ ئاماده‌كارى سه‌رژمێرى گشتیی عێراق كه‌ له‌ مانگی تشرینی یه‌كه‌م/ئۆكتۆبه‌رى ئه‌مساڵ ئه‌نجام ده‌درێ، كۆنفرانسێك بۆ سه‌رجه‌م به‌ڕێوه‌به‌رى ئامار و سه‌رۆكى لێژنه‌ ناوه‌ندیی و گه‌مارۆسازى ژماره‌دانان له‌ پارێزگه‌كانى عێراق ئه‌نجام ده‌دات و كۆنفرانسه‌كه‌ش له‌ 9-14ی ئه‌و مانگه‌ له‌ هۆڵی سه‌عد عه‌بدوڵای له‌ هه‌ولێر به‌ڕێووه‌ ده‌چێ.

عه‌لی سندی وه‌زیری پلاندانانی حكوومه‌تی هه‌رێمی كوردستان بۆ (ئاكانیوز) گوتی "سه‌رژمێری گشتی له‌ عێراق كه‌ بڕیار وایه‌ له‌ مانگی تشرینی یه‌كه‌م/ئۆكتۆبه‌رى ئه‌مساڵ ئه‌نجام بدرێت، پڕۆسه‌ی ئاماده‌كاری هه‌ر له‌ مانگی تشرینی یه‌كه‌م/ئۆكتۆبه‌ری ساڵی 2009 ده‌ستی پێ كردووه‌".

هه‌روه‌ها گوتی "وه‌كو وه‌زاره‌ت و ده‌سته‌ى ئامارى هه‌رێم پلانی چڕمان داڕشتووه‌ بۆ سه‌رژمێرییه‌كه‌ و زیاتر له‌ 70 هه‌زار كه‌س راهێنراون، له‌ داهاتووشدا رێنوێنی له‌ باره‌ى سه‌رژمێرییه‌كه‌ بۆ هاووڵاتییان بڵاو ده‌كه‌ینه‌وه‌، به‌بۆچوونی ئێمه‌ش سه‌رژمێرییه‌كه‌ زۆر گرینگه‌، چونكه‌ 23 ساڵه‌ له‌ عێراق سه‌رژمێرى ئه‌نجام نه‌دراوه‌".

-Aknews
Top