له‌وتارێكدا كه‌ له‌ به‌رده‌م ئه‌نجوومه‌نى ئاسایشى نێوده‌وڵه‌تى پێشكه‌شیكرد نوێنه‌رى نته‌وه‌یه‌كگرتووه‌كان له‌ عێراق ئاد مێلگه‌رت دووپاتیكرده‌وه‌ هه‌ر شكست هێنانێك له‌ هه‌وڵه‌كانى پێكهێنانى حكومه‌تى نوێى عێراق به‌ پێى خواست و داواكارییه‌كانى ده‌نگى زۆرینه‌ى عێراقییه‌كان ده‌بێته‌ مایه‌ى له‌بارچوونى پرۆسه‌ى دیموكراتى له‌و ولاَته‌ .
میلگه‌رت رایگه‌یاند پێكهێنانى حكومه‌تێكى بنكه‌ فراوان و به‌شدارى پێكردنى ته‌واوى كوتله‌و ره‌نگ و پێكهاته‌ جیاوازه‌كان باشترین خواست و بژارى گه‌لانى عێراقییه‌ كه‌ له‌ پێناو پێكهێنانى حكومه‌تێكى سه‌قامگیر ده‌نگى خۆى داوه‌.

نوێنه‌رى نه‌ته‌وه‌ یه‌كگرتووه‌كان هۆشدارى ئه‌نجوومه‌نى ئاسایشى نێوده‌وڵه‌تیشى داوه‌ له‌ به‌رده‌وامى كرده‌وه‌ توندو تیژه‌كانى ناو عێراق به‌تایبه‌ت كه‌ به‌هۆیانه‌وه‌ له‌ ماوه‌ى ئه‌مساڵدا زیاتر له‌ 2000 كوژراوو پێنج هه‌زار برینداریان لێكه‌وتۆته‌وه‌.