خیانەتی هاوسەری یەكێكە لەو دیاردانەی كەمێژوویەكی دێرینی لەگەڵ مرۆڤایەتیدا هەیە و هەمیشەو لەهەموو كۆمەڵگەكاندا بوونی هەبووە، تەنانەت كۆمەڵگە نییە ئەم دیاردەیەی تیادا نەبێت، بەڵام لەكۆمەڵگەیەكەوە بۆ كۆمەڵگەیەكی تر جۆر و كات و شوێنی خیانەتكردن دەگۆڕێت.
ئەگەر ژنێك خیانەت لە هاوسەرەكەی بكات لەلایەن كۆمەڵگەوە دەكوژرێت و كەسوكاریشی سەرشۆڕ دەبێت، بەڵام كاتێك كەپیاوێك خیانەت لەژنەكەی بكات هیچی لێناكرێت و تەنانەت بە ئازادی خۆی دەسوڕێتەوە
خاتوو (هیرۆ محەمەد ئاغا) كە توێژەری كۆمەڵایەتییە وای دەبینی: كە ناپاكی هاوسەری گەلێك كێشەی لێدەكەوێتەوە بەتایبەتی بۆ ژنەكە و هەندێكجار دەبێتە هۆی ئەوەی كە ئەو ژنەی كە خیانەت لە هاوسەرەكەی دەكات لەلایەن كۆمەڵگەوە دەكوژرێت و كەسوكاریشی سەرشۆڕ دەكات، بەڵام كاتێك كەپیاوێك خیانەت لە ژنەكەی بكات، هیچی لێناكرێت و تەنانەت بە ئازادی دەسوڕێتەوە. شایەنی وتنە لە هەرێمی كوردستاندا لەم چەند ساڵەی دواییدا ریژەی خیانەتی هاوسەری بەشێوەیەكی بەرچاو زیادی كردووەو هۆكارەكەشی بۆ ئەوە دەگەڕێتەوە كە هەردووكیان واتە هەردوو رەگەز ئامادە نین لەیەكتری تێبگەن، واتە پرۆسەكە بەشێوەیەكی هەڕەمەكی و بەبێ بەرنامە و لەكاتێكی وەهادا ئەنجام ئەدەن كە هێشتا تەواو لەیەكتری تێنەگەیشتوون.
توێژەرێكی كۆمەڵایەتی: پیاوێك كە كردەوەیەكی سێكسی دەكات لەیەك كاتدا خیانەت لەسێ كەس دەكات
خاتوو (چیمەن غازی) كە توێژەرێكی دەروونییە، ئاماژەی بەوەدا كە پیاوان هۆكاری سەرەكین لە خیانەتكردندا لە هەردوو رەگەز، چ ئافرەت و چ پیاو، چونكە كاتێك كەپیاوێك داوینپیسی لەگەڵ ئافرەتێكدا دەكات، خیانەت لەنزیكترین كەسی خۆی دەكات كەهاوسەرەكەی خۆیەتی، دووەمیان لەو ئافرەتەی كە فریوی داوەو داوێنپیسیەكەی لەگەڵ دەكات سێیەمیان لەو پیاوەی كەمێردی ئەو ئافرەتەیە كەداوێنپیسی لەگەڵ دەكات، واتا پیاوان خیانتكاری سەرەكین، چونكە پیاوێك كاتێك كە كردەوەیەكی سێكسی دەكات لەیەك كاتدا خیانەت لەسێ كەس دەكات. ئەوە پیاوانن بەزمانی لووس لەژنەكان دەپاڕێنەوە تا لەخشتەیان دەبەن، بەڵام دواتر وێنەیان بەڕووتی لەناو ئامێرەكانی مۆبایل و ئینتەرنێـت بڵاودەكەنەوەو ئابڕووی ئافرەتەكان دەبەن ئەمە باوەڕی خاتوونێك بوو كە لە هۆڵی دادگابوو خەریكی داوای تەڵاق بوو، ناوبراو ئاماژەی بەوەدا كەپیاوان ژنان دەكەنە قوربانی حەزو ئارەزوەكانیان، چونكە پیاوانن ژن و كچی خەڵك فریو دەدەن و لەخشتەیان دەبەن و دەیانكەنە قوربانی و بەزمانی لووس لەژنەكان دەپاڕێنەوە تا لەخشتەی دەبەن، بەڵام دوایی تیل و توانجی تێدەگرن و وێنەی بەڕووتی لەناو ئامێرەكانی مۆبایل و ئینتەرنیـت بڵاودەكەنەوەو ئابڕووی ئافرەتەكان دەبەن و لەبەر ئەوەی كە پیاوان خاوەنی هێزن لەناو كۆمەڵگەی ئێمەدا.
هەروەها خاتوونێك كەبەتاوانی لەشفرۆشی و خیانەت كردن دەستگیركراوە ئاماژەی بەوەدا كە هۆكارێكی سەرەكی كە ئافرەتان كاری لەشفرۆشی دەكەن ئەوەیە كە كۆمەڵگەی كوردەواری هیچ جۆرە لیبووردنێكی نییە بەرامبەر بەئافرەتە لەفرۆشەكان كاتێك ئەگەر ئافرەتێك لە هەموو تەمەنیشیدا تەنیا یەك جاریش كاری لەشفرۆشی بكات یەكسەر لەلایەن كۆمەڵگەوە بەتاونبار دادەنرێت واتا عەفوو ناكرێت تاوەكو بتوانێت وەك كەسێكی ئاسایی بژی، بۆیە ئافرەتەكە لەسەر كارەكەی بەردەوام دەبێت و تاوەكو ئەو رۆژەی دەستگیردەكرێت لەلایەن پۆلیسەوە یان دەكوژرێت.
یەكێك لەو ئافرەتانەی كەبەتاوانی لەشفرۆشی لەدەزگای چاكسازی بەندكراوە وتی: سەرەتا من و مێردەكەم ژیانێكی زۆر خۆشمان هەبوو، بەڵام دواتر پیاوێك كە فەرمانبەر بوو لەگەڵمدا وەك شەیتان كەوتە نێوانمان و بەقسەی درۆ لەخشتەی بردم كاری نابەجێی لەگەڵمدا ئەنجامدا و لەڕێگەی راست لامدا. پاشان بەردەوام كاری سێكسمان دەكرد و زۆربەی رۆژەكان من و ئەو پیاوە پێكەوە لەدەوام دەردەچووین و دەیبردم بۆماڵی خۆیان، تا لەئەنجامدا ژنەكەی هەستی پێكردبوو رۆژێك من و پیاوەكە خەریكی كاری بەد رەوشتی بووین و ئەوەندەمان زانی دەرگای ماڵەكەیان لەلایەن دووكەسەوە كراوەیە كەژنەكەی و برای ژنەكەی بوون و كەوتنە لێدان و قسە پێوتنم و لەتاو ئازاری گیانم بەبێ جل و بەرگ هەڵاتم و بە رووت و قوتی كەوتمە كۆڵانەكان هەرچۆنێك بێت خۆم لەدەستیان رزگار كرد، بەڵام منداڵ و هەرزەكاران و ژنانی گەڕەك كەوتنە دوام بەهۆیها كێشان راویان نام هەتا گەیشتمە شۆفێریكی تەكسی سەری خستم. ئەویش داوای كاری سێكسی لیكردم منیش رازی بووم. ئیتر من لەو رۆژەوە ئابڕوی خۆم و هاوسەرەكەم كەسووكارم چوو لەناو خەڵكیدا و پاشان لەلایەن پۆلیسەو دەستگیر كرام. لەكۆتاییدا گەیشتمە ئەم جێبگایە كە وا تێیدام و دان بەوەدادەنێم كە هەڵە بووم. هەر لەوێدا ئافرەتێكی تر كە بەتاوانی خیانەتی هاوسەری حوكمدرابوو ئاماژەی بەوەدا كەئەو هیچ تاوانێكی ئەنجامنەداوە تاوەكو تاوانباربێت. بەڵام لەبەر ئەوەی كە مێردەكەی تەمەنی زۆر گەورە بووە، ئەم بەناچار پێوەندی لەگەڵ یەكێك لە كوڕە گەنجەكانی دراوسێیاندا هەبووە بۆ تێركردنی حەزوو ئارەزووەكانی، كە لێی بێبەش بووە. كەچی ئێستا ئەم بەندكراوەو كوڕەكەش بەئازادی دەسووڕێتەوە و خەریكی فریودانی خەڵكانی ترە بۆكاری لەشفرۆشی و پێوەندی سێكسی.
حاتوو (ئیلهام) كە لەئەنجامی ئەوەی هاوسەرەكەی خیانەتی لێكردبوو لەدادگا داوای تەڵاقی كردبوو، وای دەبینی بەوەی كە ئەو هەرگیز لەهاوسەرەكەی خۆشنابێت، چونكە خیانەتی لەمكردووە و لەگەڵ ئافرەتێكی دراوسێیاندا پێوەندی سێكسی هەبووە، ئیتر كاتێك كە ئەم بەم پێوەندیەی زانی، داوای تەڵاق و جودابوونەوەی كردووە، ژنەكەی دراوسێشان بەهەمان شێوە لەلایەن مێردەكەیەوە تەڵاقدراوە، ناوبراو ئاماژەی بەوەدا كە زۆر ئافرەت هەن مێردەكانیان خیانەتیان لێدەكات، بەڵام ئافرەتەكان ناوێرن قسەبكەن و بەبێدەنگی لەژێر دەستی پیاوەكاندا دەمێننەوە.
خاتوو(ڤیان حەسەن)وەك پارێزەرێك ئاماژەی بەوەدا كە هۆكارەكان زۆرن كەوادەكەن كەئافرەتانان خیانەت لەمێردەكانیان بكەن، لەوانە جیاوازی تەمەن و نەگونجاندن و بێهێزی توانا سێكسییەكانی پیاو، بەڵام پیاوان بەبێ هیچ هۆكار و تەنیا بۆئارەزووی خۆیان خیانەت دەكەن، چونكە من رێژەیەكی زۆری ئامار و داتام لەبەردەمدایە كە دەریدەخات پیاوان هۆكاری روودانی خیانەتی هاوسەرین لەكۆمەڵگەی ئێمەدا.