گەر ئەمڕۆ سەیری كێشەكانی دنیا بكەین دەبینین كێشەیەكی گەورە سەری هەڵداوە كە بە كێشەی ئافرەتی لەشفرۆش واتە(بغاء) ناسراوە، ئەو ئافرەتانەش لەبەر ئەوەی هیچ سەرچاوەیەكی دارایی مسۆگەر و هیچ كار وەزیفەیەكی جێگریان نییە، بۆیە ناچار دەبن ئەو كارە بكەن و گەلێ جاریش بەهۆیەوە فریو دەدرێن لەلایەن گروپە مافیاكان و بەنێوی كارپێكردنیان تووشی كاری نابەجێ دەبن، لە وڵاتێك دەبردێنە وڵاتێكی دیكە و بازرگانیان پێ دەكرێت و دەستدرێژیان دەكرێتە سەر، دیارە ئەم دیاردەیە وڵاتی خۆشمانی گرتۆتەوە هەروەكو چۆن لەسەردەمی رژێمی بەعس چەندین كچی كورد فرۆشرانە وڵاتە دراوسێكان و بازرگانیان پێكرا، دواتریش بەهۆی شەڕە یەك لە دوایەكانی كە عێراقی گرتەوە بەتایبەتی جەنگی كەنداو كە بووە هۆی پەرتەوازەبوونی خێزانە عێراقییەكان و كەم درامەتی و بێ كاری رووی لە وڵات كرد هەڵبەتە هەر وڵاتێك شەڕ و ناخۆشی رووی تێ بكات چەندین دیاردەش بەهۆیانەوە سەرهەڵدەدات لە مانە دیاردەی لەشفرۆشی(بغاء) كە ئەویش باندی خۆی دروست دەكات و بەنهێنی ئەم جۆرە كارانە دەكەن دیارە ئەم دیاردەیەش بە زۆری لە ناوچەی باشوور سەری هەڵداو بەم دوایەش گەیشتۆتە هەرێمەكەی ئێمەش هەروەكو سەرچاوەیەكی بەرپرس ئەوەی پێ راگەیاندین كەوا ئەم دیاردەیە رۆژ لە دوای رۆژ روو لە زیادبوون دەكات و تەنانەت ئەم دەردە كوشندەیە ئافرەتانی خۆشمانی گرتۆتەوە و ئەم گرووپانە لە ئۆتێلەكان ژوور دەگرن و یاخود لە گەڕەكەكان دەیگرن بەڵام هەر كە دراوسێكان بەوە دەزانن هەواڵی پۆلیس دەدەن بۆ دەستگیركردنیان، هەندێك لەم ئافرەتانە بە ئاگاداری خزم و كەسانیان ئەمجۆرە كارە دەكەن و هەندێكیشیان بێ ئاگاداری ئەوان .
(زەمەن) كچێكی جوان و ژكیلە بوو لە خێزانێكی حەوت ئەندامی نیمچە مامناوەندی شاری بەغدا دەژیا و هێشتا تەمەنی نە گەیشتبووە چواردە بەهار لەلایەن خانەوادەكەی لە كوڕێكی ناسیاوی خۆیان مارەی دەكەن و بێ ئەوەی رەزامەندی ئەو لەسەر ئەم شووكردنە وەربگرن ، دوای مارە بڕینی بە دوو هەفتەیەك دەچێتە نێو ژیانی هاوسەرگیری و بێ ئەوەی شتێك بزانێت دەربارەی ماڵ و خێزان بەڕێوەبردن، بۆیە لەگەڵ ئەو كوڕە ناكۆك و دەبن و لەگەڵ یەكتری ناگونجێن، دوای هەفتەیەك زیزبوونی( زەمەن) بۆ ماڵە باوانی دەست پێ دەكات و شەڕوگرفتەكانیان رۆژ لە دوای رۆژ روو لە زیادبوون دەكات، تا دەگاتە رادەی لێك جیابوونەوەیان، بەڵام ئایا گەڕانەوەی (زەمەن) بۆ ماڵی باوكی كارێكی ئاسان دەبێت و ئەو باوكە تەمەن شەست ساڵە دەتوانی بژێوی حەوت سەر خێزان دابین بكات ئاخو پێویستی بە دەستی كەسێك نییە كەوا ئەم بارەقوڕسەی سەر شانی كەمێك سوك بكات و لەم گرانیە هاوكاری بكات؟ بۆیە چەندین خزم ناوسیا و تێ دەگەینێت بۆ ئەوەی كارێك بۆ (زەمەن) كچی بدۆزنەوە و تا ئەو رۆژەی یەكێك لە ناسیاوەكانی پێی رادەگەیەنێ كەوا كارێكیان بۆ(زەمەن) لە یەكێك لە كۆمپانیاكن دۆزیتەوە، بەمجۆرە(زەمەن) لەم كۆمپانیایە دەبێتە فەرمانبەر و ماوەی چەندین مانگ لە كارەكەی بەردەوام دەبێت تا ئەوڕۆژەی ئافرەتێك بۆ هەر كارێك بێت سەردانی ئەم كۆمپانیایە دەكات و لەگڵ (زەمەن) دەكەونە قسەكردن دوای ئەوە(زەمەن) باسی خۆی و ژیانی خۆی لای ئەم ئافرەتە دەكات و ئەویش وادەی پێدەدات كارێكی باشتری بۆ بدۆزێتەوە دوای چەند رۆژ لەسەردانەكەی پەیوەندی بە(زەمەن) ەوە دەكات و كە كارێكی باشی بۆ دۆزیوەتەوە بەڵام لە نێو شاری بەغدا نییە و مانگێ چەند رۆژێك دەچنە شارەكانی دیكەی عێراق و ئەو رۆژانەی لە ماڵیشن مووچەی خۆیان وەردەگرن، (زەمەن)یش ئەمە بە ماڵی خۆیان رادەگەیەنێ و ئەوانیش لارییان نابێت، بۆیە بەیانی نووسراوێك بۆ بەڕێوەبەری كۆمپانیاكە دەنووسێت و دەستبەرداری كاری كۆمپانیای دەبێ بەمجۆرە خۆی بۆ كاری نوێ ئامادە دەكات تا ئەو رۆژەی وادەی سەفەركردنیان دیاری دەكرێت و لەگەڵ چەند ئافرەتێكی دیكە روو دەكەنە شاری دهۆك و لەوێ چەند رۆژ لە خانوویەك دەبن و دوای چەند رۆژێك ئەو كەسەی كە سەرپەشتیان دەكات هەر ئافرەتە و لەگەڵ پیاوێك رەوان دەكات تا تۆڕەی(زەمەن) دێت.
(زەمەن) دەڵێت: كاتێ سمسارەكە بانگی كردم زۆر خۆشحاڵبووم گوتم:كاریان بۆ دۆزیمەتەوە پێی گوتم تۆ لەگەڵ ئەم پیاوە دەچیت و هەرچی پێ گوتی، نابێ لە قسەی دەرچی و دەبێ بۆی جێبەجێ بكەی، ئەوەبوو لەگەڵ پیاوەكە سەركەوتم و تاكو منی بردە خانوویەكی چۆڵ كەسم تیا بەرچاو نەدەكەوت و پێی گوتم بڕۆ ئەم ژوورە و ئەویش لە دوای من هاتوو گوتی: خۆ دەزانی كاری تۆ چییە و من تۆم بۆ هێناوەتە ئێرە، جلەكانی لەبەردا كەندموو بە ئارەزووی خۆی كەوتە گیانم و سەرەتا لە ماچكردن و و تا رادەی سیكس و ئەوەی كردی لەگەڵم و تا بەیانی لەلای خەوتم و بەیانیش منی بردەوە بۆ شوێنی خۆمان، من سەرەتا هەوڵی زۆرم دا بۆ ئەوەی ئەم كارە نەكەم بەڵام دوای چی دوای ئەوەی بە ئافرەتێكی داوێن پیس و بەدرەوەشت ناوم برابوو ناچاربووم لەسەر ئەم كارە بەردەوام بم چونكە كاری دیم دەست نەدەكەوت، ئەگەر ئەم كارەشم نەكردبا ئەوە خێزانەكەم لە برسان دەمردن چونكە بەم دوایە باوكیشم تووشی نەخۆشی بوو كاری پێ نەدەكرا، ئەوە ماوەی ساڵێكە من ئەو كارە دەكەم و مانگی چەند رۆژ دەچینە شارێك و دوایی دەگەڕێنەوە شاری بەغدا و ئەو پارەی كە بەمجۆرە دەستمان دەكەوێت مەسروفی خانەوادەكەمانی پێ دەكەین و دووبارە دەگەڕێینەوە بۆ شارێكی دیكە و كارەكەمان بەمجۆرە بوو تا رۆژێك پۆلیس هاتوو لەم خانووەی لێی بووین دەستگیری كردین و دادگاش بۆ ماوەی سێ مانگ زیندانی كردم.