خانمە گۆرانیبێژی كورد دینا, نوێترین گۆرانی خۆی بە شێوەی ڤیدیۆ كلیپ بڵاوكردەوە .

ئەمڕۆ پێنجشەممە 24/12/2020 دینا گۆرانییەكی نوێی بە ناوی (مەتەڵ) بڵاوكردەوە كە گۆرانییەكی تایبەت بە منداڵانە, ئاوازدانەر "هەڵكەوت زاهیر" ئاوازی گۆرانییەكەی داناوەو "عومەر عەلی ئەمین" تێكستەكەی نووسیوە, هەروەها "بڕیار فەتاح" كاری دەرهێنانی بۆ ڤیدیۆ كلیپی گۆرانییەكە ئەنجامداوە .

دوايين بەرهەمی گۆرانیی دینا بریتی بوو لە گۆرانی (لێدەن مۆسیقا) كە مانگی ڕابردوو بە شێوەی ڤیدیۆ كلیپ بڵاوی كردەوەو تێیدا بە جلی بوكێنییەوە دەركەوت .