بە هۆی مەترسی لە بڵاوبوونەوەی پەتای كۆرۆنا بەشێكی زۆر لە وڵاتان چالاكییە هونەری و فیلمە سینەماییەكانیان وەستاند, وە بە ڕێژەیەكی كەم و بە پابەندبوون بە ڕێنماییە تەندرووستییەكانەوە, بەشێك لە كۆمپانیاكانی بەرهەمهێنان توانیان بەردەوامی بە بەشێك لە كارەكانیان بدەن .

زنجیرە درامای كۆمیدی (Friends) كە ساڵانێكی زۆرە لە چەندین وڵاتی جیهانەوە نمایش دەكرێت, بەم دواییە بڕیار درا كە ئەڵقەیەكی نوێ و تایبەتی لێ بەرهەم بهێندرێت, بەڵام بەهۆی پەتای كۆرۆنا ئەم كارە چەند جارێك دواخرا .

لە ئێستادا بەپێی ئەو هەواڵانەی كەلە میدیا و ڕۆژنامە جیهانییەكانەوە بڵاوبووەتەوە, دوای 15 ساڵ تێپەڕبوون بەسەر یەكەم ئەڵقەیدا, بڕیارە ئەم ئەڵقە نوێیەی "فرێندز" لە ئاداری ساڵی داهاتوو نمایش دەكرێت .