ئەگەر چی لە بەشێك لە ماڵپەڕو تۆڕە كۆمەڵایەتییەكان هەواڵی كۆچی دوای هونەرمەند بەیتۆ جان بڵاوبوویەوە, بەڵام دواجار دەركەوت كە باری تەندرووستی ئەم هونەرمەندە جێگیرە .

بەپێی ئەو هەواڵانەی كە ئێستا بڵاوكراوەتەوە, یەكێك لە هاوڕێ نزیكەكانی بە ناوی ئارمانج, ڕایگەیاند كە لە ستۆكهۆڵم نەشتەرگەری بۆ بەیتۆ جان كراوەو ئێستا باری تەندرووستی جێگیرە .

بەیتۆ جان یەكێكە لە هونەرمەندە بە ئەزموونەكان و ساڵانێكی زۆرە لە بواری هونەری میوزیك و گۆرانی دەركەوتووە, خاوەنی چەندین بەرهەمە, وە چەندین گۆرانیبێژ بەرهەمەكانی ئەویان وتووەتەوە .