گۆرانیبێژو ئەستێرەی دیاری بەریتانی (هاری ستایلز) گۆرانییەكی نوێی بەشێوەی ڤیدیۆ كلیپ بڵاوكردەوە, كەلە ماوەیەكی كەمدا بینەرێكی زۆری هەبوو .

هاری ستایلز گۆرانییەكی بەشێوەی ڤیدیۆ كلیپ لەژێر ناونیشانی(Golden) لە چانێڵی تایبەتی خۆی لە تۆڕی كۆمەڵایەتی یوتیوب بڵاوكردەوە كە تراكێكە لەو ئەلبۆمە گۆرانییەی كە ساڵی پار بڵاویكردەوە, لە ئێستادا گۆرانی "گۆڵدن" تەنها لە ماوەی 24 كاژمێردا دوا بڵاوكردنەوەی لە تۆڕی یوتیوب نزیك 16 ملیۆن بینەری كۆكردەوە .

شایەنی باسە..لەماوەكانی ڕابردوو لە ڕۆژنامە جیهانییەكانەوە بڵاوكرایەوە كە هاری ستایلز لە كاتی كەرەنتین و قەدەغەی هاتووچۆدا لە مەترسی بڵاوبوونەوەی پەتای كۆرۆنا, خۆی فێری زمانی ئیتاڵی و زمانی ئاماژە كرد .

"هاری ستایلز"ی تەمەن 26 ساڵ, یەكێكە لە ئەستێرە دیارەكانی وڵاتی بەریتانیا, لەسەرانسەری جیهان هەواداری هەیە, هاری یەكێك بوو لە ئەندامانی تیپی میوزیكی ئێرلەندی(One Direction) بەڵام دواجار لە ساڵی 2016 لێیان جیابوویەوەو ڕێچكەیەكی تایبەتی بەخۆی درووست كرد لە بواری گۆرانیدا, لە ساڵی 2019 ئەلبۆمێكی گۆرانی بەناوی(fine line) بڵاوكردەوە كە لە 12 تراكی گۆرانی پێكهاتووە, هەروەها لەپاڵ گۆرانی چڕین بەشداری لە چەند فیلمێكی سینەمایی كردووە .