به‌ هۆی بوونی چه‌ند كه‌سێكی نزیك له‌ خۆی له‌ ناوچه‌ی رۆد ئایلاند، ئه‌ستێره‌ی گۆرانی ئه‌مریكی تایلۆر سویفت به‌ جددی بیری له‌وه‌ كردۆته‌وه‌ ئه‌ویش روو له‌و ناوچه‌یه‌ بكات، بۆ ئه‌م مه‌به‌سته‌ش كۆشكێكی له‌و ناوچه‌یه‌ كڕیوه‌ كه‌ نرخه‌كه‌ی 20 ملیۆن دۆلاری ئه‌مریكییه‌.
تایلۆر دوای هه‌وڵێكی زۆر توانیی كۆشكه‌كه‌ به‌ بڕی 18 ملیۆن دۆلار بكڕێت، چونكه‌ پاره‌كه‌ی به‌ كاش و به‌بێ قست پێشكه‌ش كرد و دوای ته‌واو كردنی رێوشوێنه‌ یاساییه‌كان یه‌كسه‌ر ماڵی خۆی گواسته‌وه‌ بۆ خانووه‌ نوێیه‌كه‌ی، شایه‌نی باسه‌ تایلۆر پاڵێوراوه‌ بۆ به‌ده‌ستهێنانی خه‌ڵاتی باشترین گۆرانیبێژی ساڵی 2013 له‌ پێشبڕكێی Billboard Music Awards كه‌ هه‌ر یه‌كه‌ له‌ ریهانا و جاستین پیپه‌ر و وان دیركشن و مارۆن ركابه‌رێتیی ده‌كه‌ن له‌سه‌ر به‌ده‌ستهێنانی ئه‌م نازناوه‌.