ئێستا جگه له‌وەی دوبه‌ی بووه‌ته شوێنی كار كردن بۆ هه‌زاران كرێكاری هیندی و ئاسیایی، له هه‌مان كاتیشدا هونه‌رمه‌نده هیندییه‌كانیش روویان تێكردووه و خه‌ریكی كڕینی خانوو و كاری سه‌رمایه‌داری و وه‌به‌رهێنانن. هونه‌رمه‌نده هیندییه‌كان له نێو هه‌موو پایته‌خته‌كانی جیهان دوبه‌ییان هه‌ڵبژاردووه بۆ ئه‌نجامدانی كاری بازرگانی و نیشته‌جێبوون به زۆریش روویان له كه‌رتی خانوبه‌ره كردووه بۆ وه‌به‌رهێنان، له‌م باره‌یه‌وه ئه‌نیل كاپوری ئه‌كته‌ری ناوداری هیندی كه له به‌شی سێیه‌می فیلمی (Mission Impossible 3) له‌گه‌ڵ ئه‌كته‌ری ناوداری جیهانی توم كروز به‌شداریی كرد، شوقه‌یه‌كی له تاوه‌ری خه‌لیفه كڕیوه به بڕی 25 ملیۆن درهه‌می ئیماراتی، هه‌رچه‌نده پێشتر بڵاوكرایه‌وه گوایه ئه‌نیل نهۆمی سه‌ره‌وه‌ی هه‌موو كڕیوه، به‌ڵام به‌رپرسی به‌شی فرۆشتنی تاوه‌ری خه‌لیفه ئه‌و هه‌واڵه‌ی ره‌ت كرده‌وه و رایگه‌یاند كه هونه‌رمه‌نده هیندییه‌كان زۆر حه‌زن ده‌كه‌م له تاوه‌ری خه‌لیفه شوقه بكڕن. جگه له ئه‌نیل كاپور، سلێمان خانیش خانووی له دوبه‌ی كڕیوه، هه‌روه‌ها پڕۆژه‌یه‌كی سه‌رمایەگوزاری ئه‌نجامداوه له دوبه‌ی و به خۆشه‌ویستترین و جوانترین شوێنی جیهانی وه‌سف ده‌كات، هه‌روه‌ها هه‌ریه‌كه له ئیشواریا رای و شیلبا شیتی و شارۆخ خان ڤیلا و شوقه‌یان له دوبه‌ی كڕیوه ته‌نانه‌ت هه‌ندێكیان چێشتخانه‌یان كردۆته‌وه له‌وانه گۆرانیبێژ ئاشا بهسۆل.
