دوای ئه‌وه‌ی چه‌ند ماڵپه‌ڕێكی ئه‌لیكترۆنی هه‌واڵی ناكۆكی نێوان ئه‌حلام و ئه‌نابیلا هیلای پێشكه‌شكاری به‌رنامه‌ی(ئه‌ره‌ب ئایدل)یان بڵاوكرده‌وه‌ به‌هۆی ئه‌وه‌ی ئه‌نابیلا به‌خێرهاتنی نه‌وال كوێتی نه‌كردووه‌ له‌ یه‌كێك له‌ ئه‌ڵقه‌كانی به‌رنامه‌كه‌، ئه‌نابیلا ئه‌م هه‌واڵه‌ی ره‌ت كرده‌وه‌.
ئه‌نابیلا له‌ لێدوانێكیدا بۆ ماڵپه‌ڕی (سیدتی نێت) سه‌رسوڕمانی خۆی له‌ بڵاوكردنه‌وه‌ی ئه‌م جۆره‌ هه‌واڵه‌ ده‌ربڕی و وتی: بڕۆن له‌ ئه‌حلام بپرسن با ئه‌و وه‌ڵامی ئه‌م پروپاگه‌ندانه‌ بداته‌وه‌، ئێمه‌ هاوڕێین و ئه‌وه‌ی گومانی له‌مه‌ هه‌یه‌ با بچی سه‌یری ئه‌ڵقه‌كه‌ بكات و ئه‌و كات ده‌زانی كه‌ من به‌خێرهاتنی نه‌والم كردووه‌ یان نا؟.
ئه‌نابیلا زیاتر وتی: كاتێك له‌ ستۆدیۆی به‌رنامه‌كه‌ ئاماده‌ ده‌بم هه‌ست ده‌كه‌م له‌ ماڵی خۆمم و میوانه‌كان میوانی منن، بۆیه‌ پێویسته‌ به‌ باشترین شێوه‌ به‌خێرهاتنیان بكه‌م، هه‌روه‌ها تیمی به‌رنامه‌كه‌ش زۆر به‌ گه‌رمی ماویەتی.