گەشتی کۆنسێرتی گروپی رەستاک لە شاری ئەراک بەڕێوەچوو.



ئەو گەشتی کۆنسێرتەی گروپی موزیکی ١٥ کەسیی رەستاک، بە سەرپەرشتیاری سیامەک سپێهری و بە دەنگی گۆرانیبێژان فەرزاد مرادی و بێهزاد مرادی، بۆ ماوەی دوو رۆژ لە کۆمەڵگەی ستارەگان لە شاری ئەراک ساز درا.



کۆنسێرتەکە هەموو شەوێک لە دوو داڕێژەدا و لە کاتژمێرەکانی ٦ تا 7:30 ئێوارە و ٩ تا 10:30 شەو پێشکەش کرا کە پێشوازیی بەربڵاوی دانیشتووانی ناوچەی ئەراکی بەدواوە بوو.



لەم کۆنسێرتانەدا گروپی رەستاک چەندین پارچە لە موزیکی مەقامیی پێشکەش کرد، لەوانە: سنجانە (گۆرانیی کوردی)، بارون (گۆرانیی لوڕی)، لەیلا (گۆرانیی خۆراسانی)، رەعنا (گۆرانیی گیلەکی) و گوڵ گوڵ (گۆرانیی ئازەری) پێشکەش بە هونەردۆستان کرد.



ئەندامانی گروپی موزیکی رەستاک بریتی بوون لە: فەرزاد مرادی و بێهزاد مرادی ـ گۆرانیبێژ، محەمەد مەزاهیری ژەنیاری کەمانچە، ئەکبەر ئیسماعیل پوور ژەنیاری تار، سارا نادری ژەنیاری دووتار و نەقارە، پیران موهاجر ژەنیاری عوود، نیگار عەزازی ژەنیاری دەف و دایرە، نیما نیک تەبع ژەنیاری دەف و دایرە، ئومید موستەفەوی ژەنیاری تونبەک، دانووش ئەسەدپوور ژەنیاری سەنتوور، مائیدە دووستی ژەنیاری کەمانچە، سیامەک سپێهری ژەنیاری تار،سپێهر سەعادەتی ژەنیاری کۆنترباس، یاوەر ئەحمەدی فەر ژەنیاری دەف و یاسر نەوازەندە ژەنیاری ئامێرە فوودارەکان.