كچه‌ گۆرانیبێژی ئوردنی دیانا كه‌ره‌زون له‌ نوێترین لێدوانی رۆژنامه‌وانیدا رایگه‌یاند كه‌ ترسێكی زۆری له‌ شووكردن هه‌یه‌، چونكه پێكهێنانی خێزانێكی نوێ و سه‌ره‌تای ژیانێكی نوێیه‌‌.
كه‌رەزون ئه‌وه‌شی راگه‌یاند كه‌ ژیانی هاوسه‌رگیری سه‌ره‌تای ژیانێكی شاراوه‌یه‌ كه‌ زۆر لایه‌نه‌كانی دیارنین بۆیه‌ ترسم لێی هه‌یه‌، هه‌رچه‌نده‌ وه‌ك هه‌ر كچێكی دیكه‌ خه‌ون به‌وه‌وه‌ ده‌بینم كه‌ بچمه‌ نێو ژیانێكی نوێ و ژیانێكی ئاسووده‌ و سه‌قامگیرەوە‌، به‌ڵام له‌ ئێستادا ترسم هه‌یه‌ ئه‌و ئه‌زموونه‌ تاقی بكه‌مه‌وه‌، چونكه‌ ده‌بێ هه‌موو شتێكی ژیانم له‌گه‌ڵ كه‌سێكی دیكه‌ دابه‌ش بكه‌م، له‌لایه‌كی دیكه‌وە كه‌رەزون باسی له‌ چیرۆكی خۆشه‌ویستیی خۆی كرد بۆ ماڵپه‌ڕی (جود نیوز)و گوتی: له‌ خۆشه‌ویستییه‌كه‌م سه‌ركه‌وتوو نه‌بووم ئه‌مه‌ش قسمه‌ته‌، به‌ڵام په‌له‌م نییه‌ بۆ خۆشه‌ویستی و هاوسه‌رگیری.