ستیڤ بیسهیری حاكمی ویلایه‌تی كه‌نتاكی ئه‌مریكی ستایشی خانمه‌ ئه‌كته‌ری ئه‌مریكی ئاشلی جۆدی كرد و راشیگه‌یاند كه‌ پاڵێوراوێكی به‌هێزه‌ بۆ سه‌ركه‌وتن له‌ هه‌ڵبژاردنه‌كانی ئه‌نجوومه‌نی پیران.
له‌م باره‌یه‌وه‌ ماڵپه‌ڕی (پۆلیتیكۆ)ی ئه‌مریكی له‌سه‌ر زاری بیسهیره‌وه‌ رایگه‌یاند كه‌ ئاشلی پاڵێوراوێكی جددییه‌ بۆ رووبه‌روو بوونه‌وه‌ی میتشل ماكۆنیل له‌سه‌ر به‌ده‌ستهێنانی كورسییه‌كه‌ی له‌ هه‌ڵبژاردنه‌كانی ساڵی 2014، بیسهیر كه‌ له‌ پارتی دیموكراته‌ زیاتر گوتی: پێموایه‌ زۆر كه‌س باس له‌ پاڵێوراوانی ئه‌نجوومه‌نی پیران ده‌كه‌ن، منیش ده‌ڵێم ئاشلی پاڵێوراوێكی به‌هێزه‌ بۆ به‌ده‌ستهێنانی كورسی ویلایه‌تی كه‌نتاكی وه‌ك پاڵێوراوی دیموكراته‌كان.