پرۆفیسۆر نازم دۆراك كە بە بەناوبانگترین پزیشكی جوانكاری توركیا و ئەوروپا دەناسرێت ئەكتەرە ناودارەكانی توركیا وەسف دەكات لەلایەنی جوانییەوە بەتایبەتی ئەوانەی خاوەن جەماوەرێكی زۆرن و ناوبانگیان هەیە. هەروەها باسی نهێنییەكانی جوانی ئافرەت دەكات و جەختیشی لەسەر ئەوە كردەوە كە پێویستە ئافرەت هەوڵ بدات هەموو جوانیی خۆی دەربخات و دەڵێت: زۆر ئافرەت هەن كە لە رووخساردا زۆر جوان نین، بەڵام وزەیەكیان هەیە لە ناخیاندا كەوا دەكات زیاتر جوان دەربكەون، ئەوەشی ئاشكرا كرد كە وەرزشی زۆر سوودی زۆرترە لە وەرزشێكی زیاد لە پێویست، چونكە ئەم جۆرە وەرزشە دەبێتە هۆی ئەوەی جوانی چاوەكانیان لە دەست بدەن.
نازم سەبارەت بە بەناوبانگترین ئافرەتە ئەكتەرەكانی توركیا بەم شێوەیە باسی كردن:
نەبەهات جەهری (سولتانەی دایك): هیچ نەشتەرگەرییەكی جوانكاری ئەنجام نەداوە، بەڵام وزەیەكی زۆری هەیە كە جوانیی پێدەبەخشێت، هەمیشە لە نوێبوونەوەدایە و ئافرەتێكی كلاسیكی نییە.
نور فاتح ئۆغلۆ (سولتانە ناهد دۆران) دەمی زۆر گەورەیە.
تۆبا بیوكستۆن (لەمیس): مێیەكی كامڵی بێ كەموكوڕی و زۆریش سەرنجڕاكێشە.
بیرین سات (فاتیمە): بە هیچ شێوەیەك سەرنجڕاكێش نییە، ئەم هەڵسەنگاندنەی نازم بۆ تۆبا جەماوەرەكەی تووشی شۆك كرد، چونكە بە سیمبولی جوانی و سەرنجڕاكێشی دەزانن و بەوە ناسراوە كە تا ئێستا هیچ نەشتەرگەریی جوانكاری ئەنجام نەداوە و زۆر بە كەمی مكیاژیش بەكاردەهێنێت، سەرەڕای ئەمەش زۆر بە جوانی دەردەكەوێت لە كارە هونەرییەكانیدا.
سەلما ئارجش (سولتانە خەدیجە): وزەیەكی زۆر جوانی هەیە كە لە دەوروبەریشیدا رەنگ دەداتەوە.
نۆرگول یەشلشای (یاسمین): خاوەن رووخسار و سیمایەكی زۆر جوان و دوو چاوی سەرنجڕاكێشە..