به‌شی نوێی زنجیره‌ فیلمی ئه‌كشنی ئه‌مه‌ریكی "مردنی سه‌خت"، توانی زۆرترین داهات له‌م هه‌فته‌یه‌دا كۆبكاته‌وه‌ و ببێته‌ فیلمی پڕداهاتی ئه‌مه‌ریكا باكوور.

ئاژانسی "رۆیته‌رز"ـی به‌ریتانی بڵاویكردۆته‌وه‌، به‌شی پێنجه‌می ئه‌م زنجیره‌ فیلمه‌ به‌ناونیشانی "رۆژێكی جوان بۆ مردنی سه‌خت"ـه‌، له‌ ماوه‌ی سێ رۆژ نمایشكردنیدا توانی 25 دۆلاری ئه‌مه‌ریكی بكاته‌ داهاتی خۆی.

به‌شی پێنجه‌می ئه‌م فیلمه‌ ئه‌كشنه‌، له‌ ده‌رهێنانی جۆن مۆره‌ و ئه‌كته‌رانی سینه‌مایی برۆس ویلز و جای كورتینی، رۆڵی سه‌ره‌كی تێدا ده‌گێڕن.

فیلمی كۆمێدی "دز" له‌ پله‌ی یه‌كه‌می لیستی فیلمه‌ پڕداهاته‌كانی هه‌فته‌ی ئه‌مه‌ریكای باكوور، به‌ره‌و پله‌ی دووه‌م هات، ئه‌ویش به‌ كۆكردنه‌وه‌ی 21.4 ملیۆن دۆلاری ئه‌مه‌ریكی.

ئه‌م فیلمه‌ له‌ ده‌رهێنانی سیت جۆردۆنه‌ و ئه‌كته‌رانی سینه‌مایی جاسۆن باتمان، میلیسا مكارتی و جۆن چۆ، رۆڵی سه‌ره‌كی تێدا ده‌گێڕن.