سیلڤستەر ستالۆنی ئەستێرەی سینەمایی ناچار بووە چەندین ملیۆن دۆلار پێشكەش بە زڕخوشكەكەی بكات تەنیا بۆ ئەوەی بە ئیستیغلال تاوانباری نەكات لە ماوەی چەند ساڵی رابردوودا، چونكە هەر قسەیەكی خوشكەكەی دواڕۆژی سینەمایی ستالۆنی دەخستە مەترسییەوە.
رۆژنامەی (نیۆیۆرك پۆست)ی ئەمریكی لەم بارەیەوە بڵاوی كردەوە چەند بەڵگەیەكی دەستكەوتووە ئەوە دەسەلمێنێت كە(رامبۆ) بەر لە 26 ساڵ رازی بووە دوو ملیۆن دۆلار بدات بە تۆنی فیلیتی خوشكی جگە لە 16 هەزار دۆلار بەشێوەیەكی مانگانە و 50 هەزار دۆلار خەرجی چارەسەر كردنی لە نەخۆشی دەروونی، چونكە فیلیتی هەمیشە هەڕەشەی ئەوەی لێكردووە ئەگەر ئەو بڕە پارەیەی بۆ دابین نەكات ئەوا ئاشكرا دەكات كە هەوڵی ئیستیغلال كردنی داوە ئەمەش دەبووە هۆكارێك بۆ لەناوچوونی دواڕۆژی هونەریی ستالۆن لە جیهانی سینەمادا و نەدەگەیشتە ئەو ئاستەی ئێستای.