هەردوو ئەستێرەی سینەمایی بەریتانی رۆبەرت باتیسۆن و ئەمریكی كریستین ستیوارت لەسەرووی لیستی ساڵانەی گۆڤاری فۆریس هاتن وەك دوو خۆشەویست كە لە 3 ساڵی رابردوودا زۆرترین داهاتیان هەبووە.
گۆڤارەكە ئاماژەی بۆ ئەوە كردووە كە ئەم دوو خۆشەویستەی لە زنجیرەی فیلمەكانی (twilight-شەفەق) یشدا رۆڵی خۆشەویست و پاڵەوان دەبینن توانیویانە بڕی 127 ملیۆن دۆلار كۆ بكەنەوە بەمەش پلەی یەكەمیان لە پڕ داهاتترین دوو خۆشەویستی هۆڵیۆددا بە دەستهێناوە.
هەر یەكە لە رایتشل ئادامز و شانینگ تاتۆم لە پلەی دووەم هاتن بە كۆكردنەوەی 125 ملیۆن دۆلار و جنیڤەر ئەنیستۆن و ئادەم ساندلەر لە پلەی سێیەم هاتن بە 103 ملیۆن دۆلار و سارە جیسیكا پاركەر و كریس نۆس لە پلەی چوارەم هاتن بە 95 ملیۆن دۆلار.
شایەنی گوتنە گۆڤاری فۆربس كە گۆڤارێكی ئابوورییە ساڵانە داهاتی كەسایەتییە بەناوبانگەكانی جیهان ئاشكرا دەكات لەگەڵ داهات و زیانەكانیان و هەمیشە گرنگیی بە دەوڵەمەندەكانی جیهان و سامانیان دەدات و لە چەند ساڵی رابردوودا هونەرمەند و وەرزشكار و راگەیاندنكارەكانیش سەروەت و سامانەكانیان لە رێگای ئەم گۆڤارەوە ئاشكرا دەكرێت.