لە مەزادێكی ئاشكرادا كە لە خانەی لۆس ئەنجلۆس بۆ مەزاد ئەنجامدرا، كچە گۆرانیبێژی ئەمریكی گاگا چەند پارچەیەكی ئەستێرەی كۆچ كردووی پۆپ مایكڵ جاكسۆن كڕی.
لەم مەزادە كە كۆی گشتی داهاتەكانی گەیشتە پێنج ملیۆن دۆلار، لەیدی گاگا نزیكەی 55 پارچەی كڕی و گوتی: ئەم پارچە كەلوپەلانەی مایكڵ جاكسۆن زۆر بە باشی هەڵدەگرم و ئەرشیفیان دەكەم وەك رێز و خۆشەویستییەك بۆ گیانی جاكسۆن لەهەمان كاتدا رێز گرتنە لە عاشقان و هەوادارانی دەنگ وهونەری جاكسۆن، هەر لەم مەزادەدا ئەو چاكەتەی كە جاكسۆن لە گەشتی گۆرانی (باد) بەكاری هێنا بە بڕی (240) هەزار دۆلار فرۆشرا، هەروەها دەستەوانەكانی كە بە ئەڵماس نەخشێنرا بوون هەر یەكیان بە زیاتر لە (100) هەزار دۆلار فرۆشران.