كەڤاڵ نیوز- مەسعودی مەلا هەمزە
لەسەر داوەتی بەڕێوەبەرایەتی شانۆی هەولێر گروپێكی شانۆیی وڵاتی پۆڵەندا شانۆگەری پرسەی كارمنیان لەشاری هەولێر نمایش كرد.
بەگوێرەی وتەی ئەندامانی وەفدەكە ئەم شانۆگەرییە ماوەی 20 ساڵە لە زۆربەی وڵاتانی جیهان نمایشكراوەو باس لە كارەساتی جەنگ و مەرگەساتەكانی دەكات و بۆ ئەمجارەش لەكوردستان نمایشیان كرد.
ئێوارەی رۆژی سێشەممە 18/12/2012 لەبەردەم پاركی شانەدەر لەشاری هەولێر شانۆگەری پرسەی كارمن نمایشكراو لەرۆژانی پێشتریش لەسەر داوەتی بەڕێوەبەرایەتی شانۆی سلێمانی هەمان شانۆگەری لەشاری سلێمانی و شاری هەڵەبجە نمایش كرا.