لە 43 یەمین رۆژی لەدایكبوونی ئەستێرەی ئەمریكی جای زین، بیونسی نویلزیسی هاوسەری دیارییەكی گرانبەهای پێشكەش كرد كە بریتییە لە گرانترین كاتژمێر لە جیهان و نرخەكەی دەگاتە پێنج ملیۆن دۆلاری ئەمریكی.
میدیاكانی ئەمریكا لەم بارەیەوە بڵاویان كردەوە گوایە بیونسی 5 ملیۆن دۆلاری بۆ كڕینی ئەم كاتژمێرە تەرخان كردووە كە بە 1282 پارچە ئەڵماس نەخشێنراوە، جای كە بە كۆكردنەوەی كاتژمێرە دەگمەنەكان ناسراوە خۆشحاڵی و سەرسامی خۆی بەم دیاریە دەربڕی.
جگە لەم كاتژمێرە بیونسی و جای بە پێشكەش كردنی دیارییە گرانبەهاكان ناسراون، چونكە پێشتر بیونسی ئەڵقەیەكی بە بڕی 500 هەزار دۆلار و ئۆتۆمبیلێكی بە بڕی 2 ملیۆن دۆلار پێشكەش بە جای كردبوو ئەویش لە لایەن خۆیەوە ئەسپێكی بچووكی زێڕینی بە بڕی 600 هەزار دۆلاری بۆئایڤی كچیان كڕی و نزیكەی 350 هەزار دۆلاری بۆ كڕینی جانتاكانی بیونسی خەرج كرد لە ساڵی 2010 و لە هەمان ساڵدا دوورگەیەكی بە بڕی 20 ملیۆن دۆلار بۆ بیونسی كڕی.