بڕیار وایه‌ رۆژی سێشه‌ممه‌ی رێكه‌وتی 4/12/2012 به‌ سه‌رپه‌رشتی به‌ڕێز نه‌وزاد هادی پارێزگاری هه‌ولێر مه‌راسیمێك بۆ لادانی په‌رده‌ له‌ سه‌ر په‌یكه‌ری هونه‌رمه‌ندی گه‌وره‌ی گه‌له‌كه‌مان مامۆستا ئه‌حمه‌د سالار ساز بكرێت.
بۆ زیاتر رێز گرتن له‌ ئه‌زموونی هونه‌ری مامۆستا و هونه‌رمه‌ندی ماندوونه‌ناسی گه‌له‌كه‌مان ئه‌حمه‌د سالار و بۆ به‌رز راگرتنی ئه‌زموونی چه‌ندین ساڵه‌ی مامۆستا له‌ بواری هونه‌ری، ده‌زگای رۆشنبیری و راگه‌یاندنی پارتی دیموكراتی كوردستان له‌ سلێمانی ئه‌ركی جێبه‌جێكردنی ئه‌م په‌یكه‌ره‌یان له‌ ئه‌ستۆ گرتووه‌ كه‌ له‌به‌رده‌م هۆڵی رۆشنبیری له‌ شاری هه‌ولێری پایته‌خت داده‌نرێت كه‌ له‌لایه‌ن هونه‌رمه‌ندی په‌یكه‌رتاش چێنه‌ر نزاره‌وه‌ درووستكراوه‌.